________________
પણ યાદ આપી પરંતુ શ્રી રાવણને એની ય અસર ન થઈ. ખરેખર કામને વિવશ બની ગયેલા આત્માઓને માટે આમ બનવું એ સહજ છે.
શ્રી બિભીષણની વાણીને જાણે શ્રી રાવણે સાંભળી જ ન હોય, તેમ કરીને શ્રી રાવણે શ્રીમતી સીતાદેવીને પુષ્પક વિમાનમાં બેસાડીને આકાશમાં ભમતાં જુદાં જુદાં મનોરમ સ્થળો દેખાડતાં દેખાડતાં કહ્યું : “હે હંસગામિની ! આ રત્નમય શિખરોવાળા અને સ્વાદિષ્ટ ઝરણાંઓવાળા ક્રીડાપર્વતો છે. તેમજ નંદનવન સમા આ ઉપવનો છે આ ઈચ્છા મુજબની વૃષ્ટિને કરનારા ધારાગૃહો છે. અને આ હંસોયુક્ત ક્રીડાસરિતાઓ છે. હે સુભ્ર ! વળી આ સ્વર્ગના ખંડની ઉપમાને યોગ્ય એવાં રતિગૃહો છે. આમાં જ્યાં તારી કામના હોય, ત્યાં મારી સાથે ક્રીડા કર !”
પણ શ્રી રામના પાદકમળનું હંસીની માફક ધ્યાન કરતાં તે વસુંધરા જેવા ઘેર્યશાલીની શ્રીમતી સીતાદેવી શ્રી રાવણની વાણીથી ક્ષોભ પામ્યા નહિ. આથી સર્વ રમ્ય સ્થાનોમાં ભમી ભમીને શ્રી રાવણે ફરીથી પણ શ્રીમતી સીતાદેવીને લાવીને અશોકવનમાં મૂક્યાં. ખરેખર, સતીઓ ગમે તેવી સમૃદ્ધિઓથી પણ ચલચિત્તવાળી બનતી જ નથી.
આત્માનો સાચો રક્ષક આત્મા પોતે જ છે આ તરફ પોતાના જ્યેષ્ઠ બંધુને ઉન્મત્તની માફક વાણીની યુક્તિથી અગોચર જોઈને શ્રી બિભીષણે વિચાર કરવાને માટે પોતાના કુળપ્રધાનોને બોલાવ્યા અને કહયું કે, “હે કુળપ્રધાનો ! આ કામાદિ આંતર શત્રુઓ ભૂત જેવા છે. અને તેમાંનો એક પણ, પ્રમાદી આત્માને હેરાન કરે છે. આપણા સ્વામી અત્યંત કામાતુર બન્યા છે. ખરેખર, કામ તો એકલો પણ દુર્જય છે. તો પછી એને પરનારીની સાથે રમવાની જે ઈચ્છા - તેની સહાય મળી જાય, એટલે તો પૂછવું જ શું ? તે કારણે આજથી આરંભીને લંકાપુરીના સ્વામી, શ્રી રાવણ બળવાન હોવા છતાં પણ તરત જ મોટા દુઃખના સાગરમાં અત્યન્તપણે પડશે.”
મોક્ષમાર્ગ ઉપર આક્રમણ એ ઘમંત્માઓ માટે કસોટી...૧૧
