________________
(૨૭૦)
..ભાગ-૩
.સીતા-અયહરણ.
રાવણ પ્રાર્થના કરતા હતા. પોતાની પટ્ટરાણી જેની ાસી થઈને રહે છતાં તે માને તો સારું એમ ઇચ્છતા હતા, તે શ્રી રાવણ એ જ શ્રીમતી સીતાદેવી ઉપર ઘોર રાત્રિમાં ઘોર બુદ્ધિવાળા બનીને ઉપસર્ગ કરવા માંડે છે અને તે પણ ક્રોધ તથા કામમાં અંધ બનીને એટલે એમાં કંઈ કમીના થોડી જ રહે?
ઘુત્કાર કરતા ઘુવડ પક્ષીઓ, ફુંફાડા મારતાં ફેરુઓ, (શિયાળો) વિચિત્ર ક્રન્દનને કરતા વરુ, અન્યોન્ય યુદ્ધ કરતાં બિલાડાઓ, પૂંછડાઓને પછાડતા વ્યાઘ્રો, ફૂંફાડા મારતા ફણિધરો, તેમજ ઉઘાડી કરવતવાળા પિશાચો, પ્રેતો, વેતાલો અને ભૂતો, જાણે યમરાજ્ના સભાસદ હોય તેમ ઉછળતા અને માઠી ચેષ્ટાઓ કરતા શ્રીમતી સીતાદેવીની પાસે આવ્યા. શ્રી રાવણે એ સર્વ ભયંકર પ્રાણીઓ આદિને વિક્ર્યા હતા અને તેથી તેઓ શ્રીમતી સીતાદેવીની પાસે આવીને શ્રીમતી સીતાદેવીને સતાવવા લાગ્યા. આવા પ્રસંગે સતીત્વમાં મક્કમ રહેવું અને ભયથી ત્રાસીને પણ પરપુરુષને આધીન થવું નહિ, એ સામાન્ય કોટિની સત્ત્વશીલતા નથી જ.
અબળા ગણાતી સતી સબળા પણ બની શકે છે સ્ત્રીઓને અબળા કહેવાય છે. છતાં અબળા કહેવાતી સતીઓ પોતાના સતીત્વનું સંરક્ષણ કરવામાં અબળા નથી હોતી, પરંતુ સબળા હોય છે. સતીત્વની અનુરાગિણી અને અનુગામિની સ્ત્રીઓ એટલું તો સમજ્તી હોય ને કે, સામો બહુ બહુ કરશે તો પ્રાણ લેશે. અને એથી જ સતી સ્ત્રીઓ જ્યારે પોતાના શીલના રક્ષણનો એક પણ માર્ગ જોતી નથી ત્યારે શીલભ્રષ્ટતાને માટે જીવનને વ્હાલું કરતી નથી પરંતુ જીવનના સાટે શીલને વ્હાલું કરે છે. આવા કારમા અને ભયંકર આપત્તિના સમયે સતી સ્ત્રીઓ અબળા ગણાવા છતાં પણ પોતાના સતીત્વની મક્કમતાના બળે અસાધારણ સબળા બની જાય છે.
શ્રી રાવણ દ્વારા જ્યારે આવો ઘોર ઉપસર્ગ થઈ રહ્યો છે ત્યારે મન દ્વારા શ્રી પંચપરમેષ્ઠિના નમસ્કાર રૂપ શ્રી નવકાર મહામંત્રનું ધ્યાન કરતાં શ્રીમતી સીતાદેવી નિર્ભયતાથી સ્થિર રહ્યાં,પરંતુ ઘોર
