________________
મહાસતી સીતાદેવીનું અપહરણ
આ રીતે શ્રી રાવણ પુષ્પક વિમાનમાં બેસીને ત્વરાથી દંડકારણ્યમાં જ્યાં શ્રીમતી સીતાજી હતા ત્યાં આવી પહોંચ્યા. પરંતુ શ્રી રામચંદ્રજીની પાસે રહેલાં શ્રીમતી સીતાજીને ઉપાડી જવાં, એ કાંઈ રમત વાત તો થોડી જ હતી ? કલિકાલસર્વજ્ઞ આચાર્ય ભગવાન્ શ્રી હેમચંદ્રસૂરીશ્વરજી મહારાજા, તે પ્રસંગે શ્રી રાવણની જે દશા થઈ તેનું વર્ણન કરતાં ફરમાવે છે કે
'दृष्टवाऽपिरामाढत्युग्रतेजसो दशकन्धरः । बिभाय रे तस्थौ च, व्याम्रो हुतवहादिव ॥१॥
શ્રીમતી સીતાજીની પાસે રહેલા ઉગ્ર તેજવાળા શ્રી રામચંદ્રજીને જોતાંની સાથે જ, શ્રી રાવણ ભય પામીને, અગ્નિથી જેમ વાઘ ભય પામીને દૂર ભાગે, તેમ દૂર જઈને ઉભા રહ્યા. અર્થાત્, આવતી વખતે શ્રી રાવણનો જેટલો મનોવેગ હતો તેટલો ઠંડો પડી ગયો. કારણકે શ્રી રામચંદ્રજીના ઉગ્ર તેને જોતાં જ તેઓને દૂર જઈને થંભી જવું પડ્યું.
હવે શ્રી રાવણ વિચાર કરે છે કે જ્યાં સુધી આવા ઉગ્ર તેજવાળા શ્રી રામચંદ્રજી સીતાજીની પાસે હોય, ત્યાં સુધી શ્રીમતી સીતાજીનું હરણ થઈ શકે નહિ અને હરણ કરવું છે એ ચોક્સ એટલે સ્થિતિ તો જાણે એવી થઈ પડી છે કે એક તરફ વાઘ અને બીજી તરફ નદી ! વાઘ ફાડી ખાય અને નદી ડૂબાવી દે તેમ શ્રી રામચંદ્રજી પાસે હોય અને શ્રીમતી સીતાજીનું શ્રી રાવણ હરણ કરવા જાય તો તેમના ઉગ્ર તેની પાસે તે ટકી શકે એમ નથી, અને
મહાસતી સીતાદેવીનું અપહરણ...૯
