________________
૨૦૮)
ત૮-અયહરણ.....ભ૮-૩
તેમનો સ્વાર્થ સરે નહિ, તેમને લાંચો મળે નહિ એટલે ખોટી હકીકતો જાહેર કરે, અછતા આક્ષેપો કરે, એવી રીતે દમદાટીથી પૈસા કઢાવવાને મથે, પણ એક માત્ર સત્યને જ વળગી રહેનારાઓને તેવા પાપાત્માઓની કશી દરકાર હોય જ શાની ?
ચ%ણખાએ પણ અહીં એવો જ વેષ ભજવ્યો છે. શ્રી રામચંદ્રજીને તદ્દન ખોટી હકીકત જણાવી, વિષયવાસનાના યોગે પરણવાની પ્રાર્થના કરી, શ્રી લક્ષ્મણજીની પાસે પણ એવી યાચના કરી, પરંતુ એ યાચના ન સ્વીકારાઈ એથી એણે પોતાના પતિને યુદ્ધ કરવાને માટે મોકલ્યા અને અહીં શ્રી રાવણની પાસે આવીને વિષય કષાયની વૃત્તિઓને ઉશ્કેરવાનો પૂરતો પ્રયત્ન કર્યો, લજ્જા, મર્યાદા અને વિવેકનું ભાન ભૂલીને એણે રાવણની પાસે પરસ્ત્રીને પોતાની બનાવવાની હકીકત જણાવી.
શ્રી રાવણ ઉપર ચણખાના શોએ ધારી અસર ઉપજાવી. ચન્દ્રરખાનાં વચનોને સાંભળીને, તત્કાળ શ્રી રાવણ પુષ્પક નામના વિમાનમાં બેઠા અને તેણે આજ્ઞા કરી કે, 'હે વિમાનરાજ ! જ્યાં જાની છે ત્યાં તું ત્વરાથી જા !' પુષ્પક વિમાન ત્યાંથી જ્યાં શ્રીમતી સીતાદેવી હતા ત્યાં જવાને માટે ત્વરિત ગતિથી ઉપડ્યું. એ વિમાનની ત્વરિત ગતિને વિશેષણ આપતાં કલિકાલસર્વજ્ઞ આચાર્ય ભગવાન્ શ્રી હેમચંદ્રસૂરીશ્વરજી મહારાજા ફરમાવે છે કે “સ્વયેવ ઢશીવનનસ: ' શ્રી રાવણના મનની સાથે જાણે કે તે વિમાન સ્પર્ધા કરતું હતું. અર્થાત્, શ્રીમતી સીતાજીને જોવા માટે ઉત્કંઠિત થયેલું શ્રી રાવણનું મન જેટલા વેગથી જવાને તલસતું હતું એથી પણ અધિક વેગપૂર્વક એ વિમાન શ્રી રાવણને શ્રીમતી સીતાજી પાસે લઈ જઈ રહયું હતું.
...
