________________
વળી આજે તો વાણીસ્વાતંત્ર્યની વાતો કરનારાઓ પણ પોતે ધર્મને દૂષિત કરે છે કે, ‘અમને તેમ લખવા-બોલવાનો હક્ક છે, અને એમનો પ્રતિવાદ કરાય, સત્ય સંવાદપૂર્વક યુક્તિ વડે એમને નિરુત્તર કરાય, ત્યારે કહેશે કે આવું આવું લખી-બોલીને સમાજમાં કલેશ ફેલાવાય છે. ક્યો, વાસ્તવિક રીતે કલેશ ફેલાવનારાઓ કોણ છે ? તેઓ જો તારક-ધર્મને દૂષિત કરવાનું દુષ્ટ કાર્ય છોડી દે, તો પ્રતિવાદની વાત આપોઆપ ઉડી જશે, માટે સમામાં કલેશ ફેલાવનારાઓ તો નિરર્થક એવી ખોટી ક્લેશની વાતો કરનારાઓ જ છે. અમે કહીએ છીએ કે જેઓને શ્રી નિપ્રણીત આગમમાં શ્રદ્ધા ન હોય, જેઓ તારક આગમગ્રંથોની આજ્ઞાઓને માનવા તૈયાર ન હોય અને જેઓને સમાજ્ની ઉન્નતિ ધર્મવાદના વિકાસમાં નહિ પણ જડવાદના વિકાસમાં લાગતી હોય, તેઓ તે-તે પ્રવૃત્તિ શ્રી જૈનશાસનમાં દર્શાવેલ દેશ કાળ આદિ જોવાના ફરમાનને નામે શા માટે કરે છે ? જો શ્રી જૈનશાસનના ફરમાન મુજબ જ દેશ કાળ આદિ જોવા હોય તો શ્રી જૈનશાસનની આજ્ઞા મુજબ જ જોવા જોઈએ. એમ કરવું નહિ અને જૈનધર્મના નામે જૈનધર્મના તારક તત્ત્વો સામે યદ્વા-તદ્દા બોલવું એ યોગ્ય નથી જ. અને જ્યાં સુધી તેવાઓની ધર્મ વિરોધી એ પ્રવૃત્તિ ચાલુ હોય ત્યાં સુધી એનો સત્ય સંવાદપૂર્વક યુક્તિ વડે પ્રતિવાદ કરી, તેઓને નિરુત્તર કરવાના પ્રયત્નો કરનારાઓ, પોતાની પ્રતિવાદનીપ્રતિકારની પ્રવૃત્તિ જોરશોરથી ચાલુ રાખે એ સ્વાભાવિક છે, અને એમ કરનારા પ્રભુશાસનના પરમ સેવકો છે.
પ્રતિકાર કરનારા ધર્માત્માઓએ પણ એ વાત યાદ રાખવાની છે કે સામાને નિરુત્તર કરવાને માટે અસત્ય સંવાદનો કે કુયુક્તિઓનો આશ્રય નહિ લેવો જોઈએ. જીવ, અજીવ ને તોજીવ એમ ત્રણ વસ્તુ સ્થાપનાર રોહગુપ્ત રાજ્સભામાં જીતીને આવ્યા, પણ તેના પરિણામે દુરાગ્રહમાં ડૂબવાથી નિહ્નવ બની ગયા.
૧૫૭
રાજા દંડક દંડકારણ્ય જટાયુપક્ષી...
