________________
૯૨
વૈરાગ્યકલ્પલતા ભાગ-૨
શ્લોકાર્થ :
સામાન્યથી પણ જેઓ આમને=સિદ્ધભગવંતોને સેવે છે, તેઓ ક્રમથી શિવને ભજનારા થાય છે=વિશેષ બોધ વગર પણ સિદ્ધભગવંતના પારમાર્થિક ગુણોને અભિમુખ થાય તેવા સામાન્ય પરિણામથી પણ જેઓ સિદ્ધભગવંતને સેવે છે તેઓ સિદ્ધભગવંતના તુલ્ય થવામાં બાધક કર્મોનો ક્રમસર નાશ કરીને સિદ્ધતુલ્ય થાય છે. વળી, જેઓ વિશેષ કરીને ભજે છે=સિદ્ધભગવંતોની ઉપાસના કરે છે, તેઓની શીઘ્ર મુક્તિ થાય છે=જેઓ સર્વજ્ઞ વચનાનુસાર સિદ્ધભગવંતોનું સ્વરૂપ જાણે છે અને તે સ્વરૂપની પ્રાપ્તિમાં અનંતાનુબંધી, અપ્રત્યાખ્યાનીય, પ્રત્યાખ્યાનાવરણ અને સંજ્વલન કષાયો અને નોકષાયો બાધક કઈ રીતે છે ? તેના સૂક્ષ્મ સ્વરૂપને જાણીને હું તેનો ક્ષયોપશમભાવ કરું તે પ્રકારના દેઢ પ્રણિધાનપૂર્વક સિદ્ધભગવંતોની ઉપાસના કરે છે, તેઓ શીઘ્ર જ મુક્તિને પ્રાપ્ત કરે છે. II૧૬૮।।
શ્લોક ઃ
ये पापिष्ठाः सत्त्वा, जानन्ति न तेऽस्य नाममात्रमपि । नूनमिह भाविभद्रान् स्वकर्मविवरः प्रवेशयति । । १६९ ।। શ્લોકાર્થ ઃ
જે પાપિષ્ઠ જીવો છે તેઓ આમનું નામ માત્ર પણ જાણતા નથી=સિદ્ધભગવંતોના નામ માત્રને પણ જાણતા નથી, ખરેખર અહીં=જિનસદનમાં, ભાવિભદ્ર જીવોને સ્વકર્મવિવર પ્રવેશ કરાવે છે.
જેઓ માત્ર ભોગવિલાસને સારરૂપે જોનારા છે, માનખ્યાતિને સારરૂપે જોનારા છે, તેઓને સિદ્ધઅવસ્થા સંસારથી અતીત અવસ્થા છે અને સુંદર છે એ સ્વરૂપે નામ માત્ર પણ બોધ થયો નથી અને જેઓ કંઈક તેને અભિમુખ પરિણામવાળા થયા છે; કેમ કે મિથ્યાત્વની મંદતા થયેલી છે, તેવા ભાવિભદ્ર જીવોને સ્વકર્મવિવર રૂપ મિથ્યાત્વની મંદતાનો પરિણામ હેતુથી=ભાવથી પ્રવેશનું કારણ બને એવા પરિણામરૂપ હેતુથી, જૈનસદનમાં પ્રવેશ કરાવે છે. II૧૬૯॥
