________________
१४३
(३७६) । तित्ता तेहिं चिय ते धरणी-वडिएहिँ णवर जंबूहिं ।
सरिसो से फल-भोओ पावं पुण बहु-विहं ताणं ।। 3 जो सो मूलं छिंदइ थोवे कज्जम्मि बहु-विहारंभो ।
मरिऊण कण्ह-लेस्सो अवस्स सो जाइ णरयम्मि ।। 5 बिदिओ सालं छिंदइ वरयरओ सो वि णील-लेसिल्लो ।
मरिऊण पाव-चित्तो णरयं तिरियं व अल्लियइ ।। 7 तइओ वि पाव-पुरिसो भणइ पसाहाउ छिदिमो अम्हे ।
कावोय-लेस्स-भावो सो मरिउं जाइ तिरिएसु ।। 9 जो उण चउत्थ-पुरिसो थवए सव्वे वि एत्थ अवणेह ।
सो तेयस-लेस्साए पुरिसो वा होइ देवो वा ।। जो उण पंचम-पुरिसो पक्के आमे व्व गेण्हिमो सव्वे ।
सो पउम-लेस्स-भावो अवस्स देवत्तणं लहइ ।। 13 जो उण छट्ठो पुरिसो भूमिगए गेण्हिमो त्ति सदय-मणो ।
सो होइ सुद्ध-भावो मोक्खस्स वि भायणं पुरिसो ।। 15 ता गोदम पेच्छ तुम कज्जे एक्कम्मि जंबु-भक्खणए ।
छह पि भिण्ण-भावो लेसा-भेओ य सव्वाणं ।। 17 भिण्णो य कम्म-बंधो भिण्णा य गई मई वि से भिण्णा ।
एक्कम्मि वि वावारे वट्टता ते जहा भिण्णा ।। 19 एवं जं जं कजं केण वि पुरिसेण काउमाढत्तं ।
कज्जम्मि तम्मि एया छल्लेसा होति णायव्वा ।। 21 हण छिंद भिंद मारे-चूरे-चमढेह लंपह जहिच्छं ।
जस्स ण दया ण धम्मो तं जाणह किण्ह-लेस्स त्ति ।।
1) J तेत्तिहिं चिअ तित्ता धरणी, P धरणिपडिगएहिं. 2) P om. से, P बहुविहत्ता ।।. 4) P किण्ह for कण्ह, P लेसो, P जाय for जाइ. 5) P बीउं for बिदिओ, P णीय for णील. 6) P च for व. 7) P ततिओ. 8) J कावोत, P लेसभावो, P मरिओ जाय तिरियं सो. 9) J चेवए for थवए. 10) J तेअसत्तलेस्सोए, P लेसाए. 12) P पउमो लेसभवो. 14) P हायणं for भायणं. 15) P तायम, P कज्जं, P जंबुतक्खण ।. 16) J छण्णं पि, P लेसा तेउ य. 17) P गती मती. 19) P कम्मं केण. 20) P एते for एया. 21) P लपह जरिच्छं. 22) P लेस त्ति.
