________________
११२
(२३०) 1 तओ राइणा झत्ति पक्खित्तो तम्मि समुग्गयम्मि सो पयंगो, ठइओ य उवरिं,
पक्खित्तो य अत्तणो ऊसीसए । एवं च काऊण पसुत्तो राया, पडिबुद्धो णिद्दा3 खए चिंतिउं पयत्तो । 'अहो, पेच्छामि किं तस्स पयंगस्स मह उवाएणं कयं'
ति गहिउं समुग्गयं णिस्ववियं मणि-पदीवेण जाव पेच्छइ कुड्ड-गिरोलियं ति । 5 तं च दद्रूण पुलइयं णिउणं, ण य सो दीसइ । तओ चिंतियं राइणा ‘अवस्सं
सो इमीए खइओ होहिइ त्ति । अहो धिरत्थु जीव-लोयस्स । जेण 7 रक्खामि त्ति सयण्हं पक्खित्तो एस सो समुग्गम्मि । ___एत्थ वि इमीए खइओ ण य मोक्खो अत्थि विहियस्स ।। 9 जेत्तिय-मेत्तं कम्मं पुव्व-कयं राग-दोस-कलुसेण ।
तेत्तिय-मेत्तं से देइ फलं णत्थि संदेहो ।। 11 वेज्जा करेंति किरियं ओसह-जोएहिँ मंत-बल-जुत्ता ।
णेय करेंति वराया ण कयं जं पुव्व-जम्मम्मि ।। 13 पच्चक्खं जेण इमो मए पयंगो समुग्गए छूढो ।
गिलिओ गिरोलियाए को किर मच्चूए रखेज्जा ।। 15 ता णत्थि एत्थ सरणं सयले वि सुरासुरम्मि लोयम्मि ।
जं जं पुव्वं रइयं तं तं चिय भुज्जए एयं ।। 17 ता कीस एस लोओ ण मुणइ पर-लोय-कज्ज-वावार ।
घण-राय-दोस-मूढो सिढिलो धम्मासु किरियासु ।। 19 इय णरवइणो एयं सहसा वेरग्ग-मग्ग-पडियस्स ।
तारूव-कम्म-खयउवसमेहिँ जम्मं पुणो भरियं ।। तओ, 21 जाए जाई-सरणे संभरिओ राइणा भवो पुव्वो ।
जह पालिय-पव्वजो दिय-लोयं पाविओ तइया ।।
1) P मुक्को for पक्खित्तो. 2) Jom. य, J उसीसए, J विबुद्धो for पडिबुद्धो. 4) J गहिअं, J मणिपईवेण, P मणिपदीवे जाव पेच्छाइ, J कुण्ड P कुडु, P गिरोलयं ति. 5) P राइणो. 6) होहिसित्ति, P लोगस्स, P संपयं for जेण. 7) P सत्तण्हं, P मे for सो. 8) P om. एत्थ वि इमीए etc. to पुव्वजम्मम्मि. 9) J जत्तिय. 12) J णय for णेय. 14) J गरोलियाए. 15) P लोगंमि. 16) P पुव्वरइयं, P भुंजए. 17) P लोए for लोओ, J लोअ for कज्ज. 18) P रागद्दोस. 19) P नरवइणा. 20) P क्खयओव०, P जंमो पुणो. 21) P पुव्वभवो for भवो पुव्वो. 22) P पाणिय for पालिय.
