________________
(५९) 1 अच्चियओ णयणएहिँ कुसुमेहिँ व सो मयणओ ।।
अंगम्मि सो पएसो णत्थि कुमारस्स बाल-मेत्तो वि । 3 भुमया-धणु-प्पमुक्का णयण-सरा जम्मि णो पडिया ।। __ तओ कुमार-कुवलयचंदं उद्दिसिय किं भाणिउं पयत्तो जुवइ-जणो । एक्काए 5 भणियं ‘हला हला, रूवेण णज्जइ अणंगो कुमारो । अण्णाए भणियं ‘मा विलव
7 होज्ज अणंगो जइ पहरइ दीण-जुवइ-सत्थम्मि ।
एसो पुण वइरि-गइद-दत-मुसुमूरण कुणइ ।। 9 अण्णेक्काए भणियं ‘सहि, पेच्छ पेच्छ णज्जइ वच्छत्थलाभोगेण णारायणो' त्ति ।
अण्णाए भणियं । 11 ‘सहि होज फुडं णारायणो त्ति जइ गवल-कज्जल-सवण्णो ।
एसो पुण तविय-सुवण्ण-सच्छहो विहडए तेण ।।' 13 अण्णेक्काए भणियं कंतीए णज्जइ हला, पुण्णिमायंदो' त्ति । अण्णाए भणियं ।
हूँ हूँ घडइ मियंको सामलि जइ झिज्जइ जइ य मय-कलंकिल्लो । 15 एसो उण सयल-कलंक-वज्जिओ सहइ संपुण्णो ।।'
अण्णेक्काए भणियं सत्तीए पुरंदरो य णज्जइ' । अण्णेक्काए भणियं । 17 ‘ओ ए पुरंदरो च्चिय जइ अच्छि-सहस्स-संकुलो होज्ज ।
एसो उण कक्खड-वलिय-पीण-दढ-सललिय-सरीरो ।।' 19 अण्णेक्काए भणियं अंगेहिं तिणयणो णज्जई' । अण्णेक्काए भणियं 'हला हला,
मा एवं अलियं पलवह । 21 होज हरेण समाणो जइ जुवई-घडिय-हीण-वामद्धो ।
एसो उण सोहइ सयल-पुण्ण-चउरंस-संठाणो ।।'
2) P य देसो for पएसो. 3) J पम्मुक्का. 4) P जुवईयणो. 5) J मए कीए भणियं. 6) P लव for विलव. 7) P होजणंगो. 8) P उण. 9) P om. पेच्छ पेच्छ णज्जइ, P सहिच्छत्थलाभोएण नज्जइ णारा. 11) P गवलस्स वन्नो. 13) P पुण्णिमाइंदो. 14) P जय अमय. 15) P सयलं. 16) Jom. य. 17) P होज्जा. 19) P नजत्ति. 20) P पलवह अलियं. 21) JP जुवइ. 22) P एसो पुण.
