________________
उदयप्रकरण
ओहीण संजमाओ, देवत्त गए गयस्स मिच्छत्तं । उक्कोसठिइबंधे, विकड्डणा आलिगं गंतुं ॥ २२ ॥ वेयणियंतरसोगारउच्च, ओहिव्व निद्दपयला य । उकस्स ठिइबंधा, पडिभग्गपवेइया नवरं ॥२३॥ वरिसवरतिरियथावरनीयं, पि य मइसमं नवरि
तिनि । निद्दानिदा इंदिय-पजत्ती पढमसमयम्मि ॥२४॥ दसणमोहे तिविहे, उदीरणुदए उ आलिगं गंतुं । सत्तरसण्ह वि एवं, उवसमइत्ता गए देवे ॥२५॥ चउरुवसमित्तु पच्छा, संजोइय दीहकालसम्मत्ता । मिच्छत्तगए आवलिगाए, संजोयणाणं तु ॥२६॥ इत्थीए संजमभवे, सव्व-निरुद्धम्मि गंतुमिच्छत्तं । देवीए लहुमिच्छी जेट्ठठिइ आलिगं गंतुं ॥२७॥ अप्पद्धाजोगचियाणा-ऊणुक्कस्सगठिईणंते। उवरिं थोवनिसेगे, चिरतिव्वासायवेईणं ॥२८॥ संजोयणा विजोजिय, देवभवजहन्नगे अइनिरुद्ध। बंधिय उक्कस्सठिई, गंतूणेगिंदिया सन्नी ॥२९॥ सव्वलहुं नरयगए, निरयगइ तम्मि सव्वपजते । अणुपुव्वीओ य गईतुल्ला, नेया भवादिम्मि॥३०॥
