________________
ગુજરાતને જૈનધર્મ
પ૭ વરપ્રદ હસ્ત બાળપણમાં જ વનરાજના મસ્તકે મુકાયો અને તેમના મંગલકારક આશીર્વાદથી તેને વંશ અને તેનું પાટનગર અભ્યદયના ભાગી થયાં. અણહિલપુરની સ્થાપનાના દિવસથી જ જૈનાચાર્યો એ ભૂમિનાં સુખ, સૌભાગ્ય, સામર્થ્ય અને સમૃદ્ધિની મંગળકામના કરવા લાગ્યા હતા. તેમની એ કામના ઉત્તરોત્તર સફલ થઈ અને અણહિલપુરના સૌરાજ્ય સાથે ગુર્જર પ્રજાને અને તે દ્વારા જૈનધર્મને પણ ઉત્કર્ષ થયો.
| ગુજરાતના જૈનધર્મ વિષે અને તેણે આપેલા સંસ્કારવિષયક ફાળા વિષે આ રીતે મેં મારા કેટલાક દિગ્દર્શનાત્મક વિચારે આપની આગળ પ્રગટ કર્યા છે આ વિચારો માત્ર દિગ્દર્શન કરવા પૂરતા જ છે. આ વિચારનું સપ્રમાણ અને સવિસ્તર વર્ણન કરવા માટે તો આવાં ઘણાં વ્યાખ્યાનો કરવો પડે. વડોદરાના આ વિશાળ ન્યાયમંદિરમાં મને આજે આ રીતે જે જૈનધર્મ વિષે મારા વિચારો પ્રકટ કરવાનું માનપ્રદ અને આનંદદાયક આમંત્રણ આપવામાં આવ્યું છે, તે માટે હું શ્રીમંત સરકાર સર સયાજીરાવ મહારાજના સુરોગ્ય મંત્રીમંડળ પ્રતિ મારે હાર્દિક આભારભાવ પ્રકટ કરું છું અને આપ બધા શ્રોતાજનોએ મારા આ વિચાર સાંભળવા માટે જે રસ અને ઉત્સાહ બતાવ્યું છે તે માટે હું આપને પણ હૃદયથી આભાર માની, મારું આ વક્તવ્ય પૂર્ણ કરું છું.
સને ૧૯૩૮ ના માર્ચ માસમાં વડોદરા રાજ્ય તરફથી યોજાયેલ ગુજરાતી ગ્રંથકાર સંમેલનમાં તા. ૧૭–૩–૧૯૭૮ ના રોજ આપેલ વ્યાખ્યાન: “ગુજરાતી ગ્રંથકાર સંમેલન : ૧૯૩૮ વ્યાખ્યાનમાળા'માંથી ટૂંકાવીને ઉદ્દત.
