________________
એ કર્તવ્યથી દૂર ન રહેવાય. ધર્મના ઉત્થાન માટે. જૈન ધર્મના પ્રવર્તન માટે ધર્મ અને કર્મના પ્રવર્તન માટે સૌ મથે એ જરૂરી છે. એ માટે તત્પર રહેવું જોઈએ ત્યાગવા માટે. ત્યાગ કરીને પામવા માટે. ત્યાગ એ જ મહાન પ્રાપ્તિ છે. આપીને મેળવવાનો એ નિયમ છે. દ્રવ્ય વડે તથા ભાવ વડે.
જૈનધર્મ અને કર્મના પ્રવર્તમાન માટે સૌ જેનોએ તત્પર રહેવું જોઈએ.
કારણ કે- સર્વેથી વધુ પ્રગતિ સાધક કેવળ જૈનધર્મ જ છે. એનું જરૂરી છે પ્રવર્તન. એ માટે જરૂરી છે ત્યાગ. દ્રવ્યથી અને ભાવ થકી. जिनानां दर्शनज्ञानचारित्राणां प्रदायकः । द्रव्यभावस्वरूपो यो, जैनधर्मः स उच्यते ॥२४३ ॥ જૈનધર્મ વિશ્વના શ્રેષ્ઠ ધર્મોમાંનો એક છે.
એનું તત્ત્વજ્ઞાન હિમાલયના શિખરથી પણ ઊંચુ અને સાગરના પેટાળથી પણ ગહન છે.
તે દ્રવ્ય સ્વરૂપવાળો છે. તે ભાવ સ્વરૂપવાળો છે. જૈનધર્મનું પ્રવર્તન કરનાર અનેક તીર્થંકર પ્રભુઓ થઈ ગયા.
આ જિનેશ્વર પ્રભુઓએ જૈનધર્મનું શ્રેષ્ઠતમ પ્રવર્તન કર્યું છે. તપ, ત્યાગ અને ચારિત્રની ભૂમિકા પર રહીને જૈનધર્મને વધુમાં વધુ પ્રાણવાન બનાવ્યો છે.
જૈનધર્મનું પ્રાણ તત્ત્વ છે અહિંસા, કરૂણા અને ક્ષમા. શત્રુને પણ ક્ષમા કરવાનું જૈનધર્મ શીખવે છે. શત્રુ નહિ પણ શત્રુભાવના નાશ માટે જૈનધર્મ ભલામણ કરે છે. અહિંસાની સૂક્ષ્મતમ વિભાવના જૈનધર્મમાં નિહિત છે. કરૂણાનો મહાપ્રવાહ સતતપણે જૈનોના હૃદયમાં વહે છે. શ્રી જિનેશ્વરોએ - દર્શન, જ્ઞાન અને ચારિત્રને મહત્ત્વ આપ્યું છે.
૨૪૭
