________________
जैनानां जैनधर्मस्य, नाशकाश्च भवन्ति ये । तेषां शिक्षा प्रकर्तव्या, जैनानां धर्म एव सः ॥ २२३ ॥ સારું કરનારાને સારું ફળ મળે છે. બૂરાઈનું ફળ બૂરું જ હોય છે. જગતમાં ભલા-બૂરા બંને પ્રકારના માણસો વસે છે. કોઈ ભલાઈ જ કરે છે. કોઈ બૂરાઈ આચરે છે. ભલાઈનું પરિણામ સારું આવે છે. બૂરાઈનું પરિણામ અનિષ્ટ આવે છે. તેમ છતાં મનુષ્ય પોતાની પ્રકૃતિને ત્યજી શકતો નથી. સજ્જન સદાચરણ કરે છે. દુર્જન દુરાચરણ કરે છે. સજ્જનને જગત હંમેશાં સારું જ દેખાય છે. સારું કાર્ય કરવા માટે તે સતત સજ્જ રહે છે. સત્કાર્ય તેનું જીવન કર્તવ્ય બની જાય છે. એટલે સજનતા એ તેની પ્રકૃતિ છે. એનો સ્વભાવ છે. સજ્જનતાને તે છોડી શકતો નથી. દુર્જનતા તે આચરી શકતો નથી.
અને કેટલાક મનુષ્યો જેનો અને જૈનધર્મની બાબતમાં પણ દુર્જનતાનું આચરણ કરવાનું ચૂકતા નથી.
ધર્મદ્રોહ જેવો કોઈ દ્રોહ નથી.
તેમ છતાં આવા દુર્જનો જેનો અને જૈનધર્મનો નાશ કરવા માટે તત્પર બને છે.
ધર્મનો દ્રોહ મનુષ્ય માટે નરકગતિનું નિર્માણ કરે છે. ધર્મદ્રોહ કદી ન કરાય. ધર્મના નાશનું નિમિત્ત કદી ન બનાય. છતાં મનુષ્ય છે. મનુષ્ય દુર્જન છે અને દુર્જનતા તેની પ્રકૃતિ છે. દુર્જનતા આચર્યા વગર તે રહી શકતો નથી.
ધર્મ હોય કે ધર્મી હોય પણ એમનો નાશ કરવા માટે તે દુષ્યવૃત્તિ કરતાં જરા પણ અચકાતો નથી.
ધર્મદ્રોહ પાપ છે. ધર્મીનો દ્રોહ પણ પાપ છે.
