________________
અશુભનું પરિણામ અશુભ છે.
વાવેલો બાવળ શૂળ પેદા કરશે ને તમારા પગની પાનીમાં છંદ કરશે. તમને વેદના આપશે.
ન
તો પછી બાવળ ન વાવો. કાંટા ન વાવો. વેદનાનું વાવેતર ન કરો. ફૂલ છોડ વાવો. ગુલાબ વાવો. અને ગુલાબની પરિમલ મેળવો. જીવનની આ રીત છે. જીવનની આ પદ્ધતિ છે.
ફૂલ વાવશો તો ફૂલ મળશે. સુગંધ મળશે. ચિત્તની પ્રસન્નતા મળશે. બાવળ દુઃખ આપશે. સુખ છેદાશે. ચેન ચીરાશે. શાંતિ હણાશે. માટે બાવળ ન વાવો. ફૂલ જ વાવો.
આંબો વાવનારને મિષ્ટરસથી ભરપુર કેરી મળે છે. તેની મધુરતા આસ્વાદનારના મનને પ્રસન્નતા બક્ષે છે. તો આંબા જ વાવો.
ફૂલ વાવનારને સુગંધી મળે છે. જે ચિત્તને તરબતર કરે છે. તો ફૂલછોડ જ વાવો. ગુલાબનાં વાવેતર જ કરો. કાંટા ન વાવો, બાવળ ન વાવો. દુઃખ ન વાવો. દુઃખ વાવીને સુખના ફળની આશા ન રાખી શકાય. જેવું કર્મ, તેવું ફળ. જેવો ભાવ, તેવું પરિણામ.
શુભ ભાવવાળાને સ્વર્ગ મળે છે. સુખ મળે છે. પ્રસન્નતા મળે છે. અશુભ ભાવવાળાને નરક મળે છે.
પીડા મળે છે. ચિંતા મળે છે. દુઃખ મળે છે. જેવું વાવશો, તેવું લણશો. જેવું કરશો, તેવું પામશો.
માટે કર્મ કરતાં પહેલાં સો વાર વિચાર કરો.
એટલી ખાતરી કરી લો કે
-
મારા આ કર્મથી કોઈ દુ:ખી તો નહિ થાય ને ? કોઈને પીડા તો નહિ પહોંચે ને ?
કોઈને વેદના તો નહિ થાય ને ?
કોઈની પ્રસન્નતા તો નહિ હણાઈ જાય ને ? એવું કર્મ ન કરો. એવું કર્મ કરો કે જેથી -
કોઈને સુખ મળે. કોઈનું દુઃખ ટળે. કોઈની પીડા શમે. કોઈની પ્રસન્નતા વધે.
શુભ ભાવના ભાવનારને એનું શુભ પરિણામ મળ્યા વગર રહેતું
નથી.
શુભ ભાવથી મળે છે સ્વર્ગ. સ્વર્ગ સુખનો પર્યાય છે.
૧૮૧
