________________
ब्रह्मज्ञानी भवेदेव, निर्लेपः कर्मयोगीराट्। जैनः स विश्वशालायां, जायते परमार्थकृत् ॥ १३५ ।।
બ્રહ્મજ્ઞાની નિર્લેપ કર્મયોગી જ થાય છે. બ્રહ્મજ્ઞાની એ આત્મજ્ઞાની છે. જેને આત્મજ્ઞાન થયું છે, તે આત્મજ્ઞાની આત્મા એ જ બ્રહ્મ છે અને આત્મજ્ઞાની જ બ્રહ્મજ્ઞાની છે.
આત્મજ્ઞાન વિના બ્રહ્મજ્ઞાન સંભવિત નથી. આત્મજ્ઞાની નિર્લેપ છે. એ કશાથી ભીંજાયેલો હોતો નથી. બધાને જુએ છે, જાણે છે પણ બધામાં આસક્ત નથી બનતો. બ્રહ્મજ્ઞાની જ કર્મયોગીરાજ છે. એ પણ નિર્લેપ કર્મયોગીરાજ.
કર્મ કર્યું જાય છે. જગત કલ્યાણ માટે મધ્યે જાય છે. છતાં નિર્લેપ રહે છે.
જળમાં રહેવા છતાં જળથી નિર્લેપ. જળથી ભિન. આવો નિર્લેપ કર્મયોગીરાજ એવો આત્મજ્ઞાની જ સાચો જૈન છે. આવો જૈન આ વિશાળ વિશ્વશાળામાં પરમાર્થ કરનારો થાય છે.
સ્વાર્થ માટે નહિ, પરમાર્થ માટે તે કર્મ કરે છે. તેનાં તમામ કર્મ પરમાર્થ હેતુક હોય છે. જગતના કલ્યાણ માટે હોય છે.
મનુષ્ય માટે જૈન હોવું કેટલું મહાન કેટલું દુર્લભ છે?
જેન તરીકે જીવવું કેટલું મહાન છે? પણ માત્ર જૈન હોવું જ પર્યાપ્ત નથી, આત્મજ્ઞાની હોવું પણ આવશ્યક છે.
અથવા એમ જ કહો ને કે જે આત્મજ્ઞાની છે, તે જ જૈન છે. જે નિર્લેપ કર્મયોગીરાજ છે, તે જ જૈન છે. ને આ જગતમાં સતત પરમાર્થ કરે છે, તે જ જૈન છે. જૈન હોવું જ આપોઆપ મહાનતાનો સંદર્ભ બને છે.
જૈન એટલે-તે નિર્લેપ છે. તે કર્મયોગીરાજ છે. તે પરમાર્થને કરનારો છે. તે આત્મજ્ઞાની છે. માટે જૈનત્વને સાર્થક કરો. '
૧૫૪
