________________
ઉપયોગ માટે ક્રિયાત્મક બનવું પડે.
ક્રિયા કર્મબંધને જન્મ આપે છે.
જાત જાતના ઉપયોગો આ વિશ્વમાં જીવાત્માઓ કરે છે. પોત પોતાની સમજ પ્રમાણે સમજણની સરહદોમાં રહીને ઉપયોગ હેતુ ક્રિયાવાન બને છે.
અને આ ક્રિયાને કારણે કર્મ બને છે. પરિણામે કર્મ બંધ થાય છે. સમજણની વાત છે. જ્ઞાનની વાત છે.
તત્ત્વને સમજવું ખૂબ અઘરી બાબત છે. આવા તત્ત્વજ્ઞ જ્ઞાનીઓ ખૂબ જ અલ્પ સંખ્યામાં હોય છે. તત્ત્વજ્ઞાની કર્મ બંધની સમગ્ર પ્રક્રિયાની વાતને ખૂબ જ સારી રીતે સમજી શકે છે. ને મૂઢમતિવાળા અથવા અલ્પબુદ્ધિવાળા જીવાત્મા માટે સદા સર્વદા સમજણની બહાર છે.
શ્રી નેમિનાથ જગત્પ્રભુ આ વાતથી શ્રી કૃષ્ણ વાસુદેવને પ્રતિબોધિત
કરે છે.
દ્વારિકાપુરીના રાજા શ્રી કૃષ્ણ વાસુદેવને પ્રતિબોધ પમાડવાના હેતુથી તેઓનું શુભાગમન થયું છે.
आत्मना क्रियते कर्म, आत्मनैव प्रभुज्यते । आत्मना कर्मनाशोऽस्ति, जायते मुक्तिराऽऽत्मना ॥ ८३ ॥ જગત્પ્રભુ કર્મની ઉત્પત્તિથી માંડી કર્મના નાશ સુધીની વાત ખૂબ જ સારી રીતે પ્રસ્તુત કરે છે.
તેઓ એ વાત સમજાવે છે કે- તમામ તબક્કાઓ આત્મા વડે જ પૂર્ણ થાય છે.
આત્મા જ કેન્દ્ર સ્થાને છે. આત્મા જ સર્વ કર્તવ્યશીલ છે.
આત્મા થકી જ ક્રિયા બને છે.
કર્મનો જન્મ પણ આત્માને કારણે જ થાય છે.
આત્મા આત્મા છે.
આત્મા એક અને અનન્ય છે. આત્મા જ સામર્થ્યવાન છે. આત્મા જ કર્મ લક્ષી છે. આત્મા વડે કર્મ કરાય છે. કર્મનો વિપાક પણ આત્મા વડે જ ભોગવાય છે. બંધાયેલા કર્મનો નાશ પણ આત્મા વડે જ થાય છે.
૯૧
