Page Text
________________
१८२
दशवैकालिकं-टीकात्रिकयुतम् वा, पात्रं वा, कम्बलं, पादप्रोञ्छनम्, तदपि । संयमलज्जार्थम्-संयमार्थं पात्रादि, लज्जार्थं लज्जनीयाङ्गाच्छादनार्थं वस्त्रम् । धारयन्ति परिहरन्ति च-कारणे परिहरन्ति, परिभुञ्जते मूर्छारहिता इति ।।६.१९ ।। ___(स.) अत्राह-यद्येवं वस्त्रादि धारयतां साधूनां कथं न सन्निधिरित्याह-जं पि'इतिसाधवो यद्यप्यागमोक्तं वस्त्रं वा चोलपट्टादि वा १, पात्रं वाऽलांब्वादि २. कम्बलं वर्षाकल्पादि ३, पादप्रोञ्छनं रजोहरणं ४ धारयन्ति पुष्टालम्बनविधानेन, परिहरन्ति च परिभुञ्जते च मूर्छारहिताः, तदपि किमर्थं ? संयमलज्जार्थं संयमार्थं पात्रादि, तद्व्यतिरेकेण पुरुषमात्रेण गृहभाजने सति संयमपालनाभावात्, लज्जार्थं वस्त्रं, तद्व्यतिरेकेणाङ्गनादौ विशिष्टश्रुतपरिणत्यादिरहितस्य निर्लज्जताया उत्पत्तेः, अथवा संयम एव संयमलज्जा, तदर्थं सर्वमेव वस्त्रादि धारयन्तीत्यादि ।।६.१९ ।।
(सु.) आह-यद्येवं वस्त्रादि धारयतां कथं साधुनामसन्निधिरित्याह-जं पिइति, यदप्यागमोक्तं, वस्त्रं वा-चोलपट्टकादि, पात्रं वा-अल(लं)बुकादि, कम्बलं-वर्षाकल्पादि, पादपुञ्छनं-रजोहरणं, तदपि संयमलज्जार्थमिति, संयमार्थं पात्रादि, तद्व्यतिरेकेण पुरुषमात्रेण गृहस्थभाजने सति संयमपालनाभावात्, लज्जार्थं वस्त्रं, तद्व्यतिरेकेणाङ्गनादौ विशिष्टश्रुतपरिणत्यादिरहितस्य निर्लज्जतोपपत्तेः, अथवा संयम एव लज्जा संयमलज्जा तदर्थं सर्वमेतद् वस्त्रादि धारयन्ति, पुष्टालम्बनविधानेन परिहरन्ति चपरिभुञ्जते च मूर्छारहिता इति ।।६.१९ ।।
न सो परिग्गहो वुत्तो, नायपुत्तेण ताइणा | मुच्छापरिग्गहो वुत्तो, ईई वुत्तं महेसिणा ||६.२०।।
(ति.) यतश्चैवं ? अतः-पूर्वार्धं स्पष्टम् । उत्तरार्धस्यार्थः । मूर्छा परिग्रहः श्रीवीरेण उक्तः । इत्युक्तं सूत्रे । मर्हर्षिणा-श्रीसुधर्मस्वामिना ||६.२० ।।
(स.) न...इति-यतश्चैवं, ततो महर्षिणा शय्यंभवेन गणधरेण सूत्र इत्युक्तं, इतीति किं ? ज्ञातपुत्रेण ज्ञातः प्रधानः क्षत्रियः सिद्धार्थः, तस्य पुत्रेण वर्धमानस्वामिना, नासौ निर्ममत्वेन वस्त्रधारणादिलक्षणः परिग्रह उक्तोऽर्थतः, कस्मात् ? बन्धहेतुत्वाभावात्, किम्भूतेन ज्ञातपुत्रेण ? ताइणा त्रात्रा, स्वपरत्राणसमर्थेन, अपि तु कः परिग्रहो महावीरेणार्थतः प्रोक्तः ?-इत्याह मूर्छा परिग्रह उक्तः, असत्स्वपि वस्त्रादिषु लौल्यं,
| SR No. | 022615 |
| Book Title | Dashvaikalik Sutram |
| Original Sutra Author | N/A |
| Author | Tattvaprabhvijay |
| Publisher | Jinprabhsuri Granthmala |
| Publication Year | 2014 |
| Total Pages | 416 |
| Language | Sanskrit |
| Classification | Book_Devnagari & agam_dashvaikalik |
| File Size | 31 MB |