________________
९० ] तन्दुलगैचारिकप्रकीर्णकम् | उदगं खलु नायव्वं कायव्वं दूसपट्टपरिपूयं । महोदगं पसन्नं सारइयं वा गिरिनईए ॥१७॥ बारस मासा संवच्छरो य पक्खा य ते उ चउवीसं । तिन्नेव य सहिसया हवंति राइंदियाणं च ॥ ६८ ॥ एगं च सयसहस्सं तेरस चेव य भवे सहस्साई। एगं च सयं नउयं हुंति अहोरत्तऊसासा ॥१९॥ तित्तीस सयसहस्सा पंचाणऊई भवे सहस्साई । सत्त य सया अरगुणा हवंति मासेण ऊसासा ॥ ७० ॥ चत्तारि य कोडीओ सत्तेव य हुँति सयसहस्साई। अडयालीससहस्सा चत्तारि सया य वरिसेणं ॥१॥ चत्तारिय कोडिसया सत्त य कोडिओ हुँति अवराओ। अडयाल सयसहस्सा चत्तालीसं सहस्सा य ॥७२॥ वाससयाउस्सेए उस्सासा इत्तिया मुणेयव्वा । पिच्छह आउस्स खयं अहोनिसं झिझमाणस्स ॥७३॥ राइंदिएण तीसं तु मुहुत्ता नव सयाई मासेणं । हायंति पमत्ताणं न य णं अबुहा वियाणंति ।।७४॥ तिन्नि सहस्से सगले छच्च सए उडुवरो हरइ आउं। हेमन्ते गिम्हासु य वासासु य होइ नायव्वं ॥ ७ ॥ वाससयं परमाऊ इत्तो पन्नास हरइ निदाए । इत्तो वीसइ हायई बालत्ते वुड्ढभावे य ॥७६ ॥
