________________
अज्झयण ९-१ दसवेआलियसुत्तं. जे यावि नागं डहरं ति नच्चा
आसायए से 'अहियाय होइ । एवायरियं पि हु हीलयंतो
नियच्छई जाइपहं खु मंदे ॥४॥ आसीविसो यावि परं सुरुठो ।
किं जीवनासाओ परं नु कुज्जा। आयरियपाया पुण अप्पसन्ना
अबोहिआसायण नत्थि मोक्खो ॥५॥ जो पावर्ग जलियमवक्कमज्जा
आसीविसं वा वि हु कोवएज्जा । जो वा विसं खायइ जीवियठी
__ एसोवमासायणया गुरूणं ॥६॥ सिया हु से पावय नो डहेज्जा
आसीविसो वा कुविओ न भक्खे। सिया विसं हालहलं न मारे
न यावि मोक्खो गुरुहीलणाए ॥७॥ जो पव्वयं सिरसा भेत्तुमिच्छे
सुत्तं व सीहं पडिबोहएज्जा। जो वा दए सत्तिअग्गे पहारं ,
एसोवमासायणया गुरूणं ॥८॥ सिया हु सीसेण गिरि पि भिंदे
सिया हु सीहो कुविओ न भक्खे । सिया न भिदेज्ज व सत्तिअग्गं
न यावि मोक्खो गुरुहीलणाए ॥९॥ आयरियपाया पुण अप्पसन्ना
"अबोहिआसायण नत्थि मोक्खो। तम्हा अणाबाहसुहाभिकंखी।
गुरुप्पसायाभिमुहो रमेज्जा ॥१०॥ १च. अहियाइ. २ क. आसिविसो वावि. ३ ख. च. जीयनासाउ; क. जीवियनासा. अ. जीवमटुं. ५ क. च. पावए नो डहिज्जा . ६ ख. च. भित्तुमिच्छे. ७ अ. क. अबोहिआसासण.
