________________
३०
दसवेआलियसुत्तं. अज्झयण ७ अज्जिए पूज्जिए वा वि अम्मो माउसिए त्ति य । पिउसिए 'भाइणेज्ज त्ति धुए 'नत्तुणिए त्ति य ॥१५॥ हले हले त्ति अन्ने त्ति भट्टे सामीण गोमिणि । होले गोले वसुले त्ति इत्थियं नेवमालवे ॥१६॥ नामधेज्जेण णं बूया इत्थीगोत्तेण वा पुणो। जहारिहमभिगिज्झ आलवेज्ज लवेज्ज वा ॥१७॥ अज्जए पज्जए वा वि बप्पो चुल्लपिउ त्ति य । माउला भाइणेज्ज त्ति पुत्ते नत्तुणिय त्ति य ॥१८॥ हे हो हले त्ति अन्न त्ति भट्टा सामिय गोमिय । होल गोल वसुल त्ति पुरिसं नेवमालवे ॥१९॥ नामधेज्जेण णं बूया पुरिसगोत्तेण वा पुणो। जहारिहमाभिागज्झ आलवेज्ज लवेज्ज वा ॥२०॥ पंचिन्दियाणं पाणाणं एस इत्थी अयं पुमं। जाव णं न विजाणेज्जा ताव जाइ त्ति आलवे ॥२१॥ तहेव मणुसं पसु पक्खि वा वि सरीसिवं । थूले पमेइले वज्झे पाइमे त्ति य नो वए ॥२२॥ "परिवुढे त्ति णं बूया बूया उवचिए त्ति य । संजाए पीणिए वा वि महाकाए त्ति आलवे ॥२३॥ तहेव गाओ दोज्झाओ दम्मा गोरहग त्ति य। वाहिमा रहजोग्ग त्ति नेवं भासेज्ज पन्नवं ॥२४॥
जुवंगवे त्ति णं बूया धेणुं रसदय त्ति य। रहस्से महल्लए वा वि वए संवहणे त्ति य॥२५॥ तहेव गंतुमुज्जाणं पव्वयाणि वणाणि य। रुक्खा महल्ल पेहाए नेवे भासेज्ज पन्नवं ॥२६॥ अलं पासायखंभाणं "तोरणाणं गिहाण य। फलिहग्गलनावाणं अलं उदगदोणिणं ॥२७॥ पीढए चंगबेरे य नंगले मइयं सिया। जन्तलठ्ठी व नाभी वा गंडिया व अलं सिया ॥२८॥
१ क. ख. भायाणिज्ज. २ क. ख. नत्तुणिय. 3 क. घ. इत्थीगुत्तेण. ४ क. च. अन्ने त्ति. ५ क. पुरिसगुत्तेण. ६ क. ख. पस्सुं. ७ ख. परिवुढि त्ति. ८ ख. पणिए. ९ अ. ख. घ. जुवगवि त्ति. १० ख. रसदिय त्ति; अ. रसदए त्ति; घ. रसदइ त्ति. ११ क. ख. घ. तोरणाणि गिहाण य.
