________________
दसवआलियसुत्तं. अज्झयण ६ वाहिओ वा अरोगी वा सिणाणं जो उ पत्थए । 'वोकंतो होइ आयारो, जढो हवइ संजमो ॥६१॥ संतिमे सुहमा पाणा घसासु भिलुगासु य। जे उ भिक्खू सिणायंतो वियडेणुप्पलावए ॥६२ ॥ तम्हा ते न सिणायंति सीएण उसिणेण वा। जावज्जीवं वयं घोरं असिणाणमहिछगा ॥६३॥ सिणाणं अदुवा कक्कं लोद्धं पउमगाणि य। गायस्सुव्वट्टणठाए नायरति कयाइ वि ॥६४॥ 'नगिणस्स वा वि मुंडस्स दीहरोमनहसिणो। मेहुणा उवसंतस्स कि विभूसाए कारियं ॥६५॥ विभूसावत्तियं भिक्खू कम्मं बंधइ चिक्कणं । संसारसायरे घोरे जेणं पडइ दुरुत्तरे ॥६६॥ विभूसावत्तियं चेयं बुद्धा मन्नति तारिसं। "सावज्जबहुलं चेयं नेयं ताईहिं सेवियं ॥ ६७॥ खवत अप्पाणममोहदंसिणो
तवे रया संजम अज्जवे गुणे । धुणंति पावाई "पुरेकडाई
नवाई पावाइं न ते करत ॥ ६८॥ सओवसंता अममा अकिंचणा
“सविज्जविज्जाणुगया जसंसिणो। 'उउप्पसन्ने विमले व चंदिमा सिद्धिं विमाणाइ उवेति ताइणो ॥ ६९ ॥ त्ति बेमि ॥
॥ छठं महिल्लियायारकहज्झयणं समत्तं ॥
१ अ. ख. वुक्कंतो २ अ. घासासु. ३ अ. ख. घ. वियडेणुप्पिलावर. 7 अ. निगणस्स; ख. घ. नगणस्स; च. निगिणस्स. ५ ख. विभसाइ. ६ क. घ. च. सावज्जं बहुलं. ७ च. पुराकडाइं. ८ अ. अवज्जविज्जाणुगया; च. सवेज्जवज्जाणुगया. ९ च. उडुप्पसन्ने
