________________
दसवेआलियसुत्तं.
अज्झयण ६ 'जायतेयं न इच्छंति पावगं जलइत्तए। तिक्खमन्नयरं सत्थं सव्वओ वि दुरासयं ॥ ३३॥ पाईणं पडिणं वा वि उडूढं अणुदिसामवि। अहे दाहिणओ वा वि दहे उत्तरओ वि य ॥३४॥ 'भूयाणमेसमाधाओ हव्यवाहो न संसओ। तं पईवपयावठ्ठा संजया किंचि नारभे ॥ ३५॥ तम्हा एयं वियाणित्ता दोसं दुग्गइवढणं । तेउकायसमारंभं जावज्जीवाए वज्जए ॥३६॥ "अनिलस्स समारंभ बुद्धा मन्नंति तारिसं। सावज्जबहुलं चेयं नेयं ताईहिं सेवियं ॥३७॥ तालियंटेण पत्तेण साहाविहुयणेण वा । न ते वीइउमिच्छति वीयावेऊण वा परं ॥ ३८॥ जं पि वत्थं व पायं वा कंबलं पायपुंछणं । न ते 'वायमुईरंति, जयं परिहरंति य ॥३९॥ तम्हा एयं वियाणित्ता दोसं दुग्गइवणं। वाउकायसमारंभं जावज्जीवाए वज्जए ॥४०॥ वणस्सई न हिंसंति मणसा वयस कायसा। तिविहेण करणजोएण संजया सुसमाहिया ॥४१॥ वणस्सई विहिंसंतो हिंसइ उ तयस्सिए । तसे य विविहे पाणे चक्खुसे य अचक्खुसे ॥४२॥ तम्हा एयं वियाणित्ता दोसं दुग्गइवड्ढणं । वणस्सइसमारंभं जावज्जीवाए वज्जए ॥४३॥ तसकायं न हिंसंति मणसा वयस कायसा। तिविहेण करणजोएण संजया सुसमाहिया ॥४४॥ तसकायं विहिंसंतो हिंसइ उ तयस्सिए । तसे य विविहे पाणे चक्खुसे य अचक्खुसे ॥४५॥ तम्हा एयं वियाणित्ता दोसं दुग्गइवढणं। तसकायसमारंभं जावज्जीवाए वज्जए ॥४६॥
१ अ. तेउकायं. २ च. भयाणं एस वाघाओ. ३. अ अनलकायसमारंभ, क. स. अगणिकाय. १ अ. वायमुदीरंति; क. घ. वाउमुईरंति.
