________________
अज्झयण ५-२ . दसवेआलियसुत्तं.
आयरिए आराहेइ समणे यावि तारिसो। , गिहत्था विणं पूयन्ति जेणं जाणंति तारिसं॥४५॥ तवतेणे 'वइतेणे रूवतेणे य जे नरे। आयारभावतेणे य कुब्वइ देवकिब्बिसं ॥४६॥ लभ्रूण वि देवत्तं उववन्नो देवकिब्बिसे। . तत्थावि से न याणाइ किं मे किच्चा इमं फलं ॥४७॥ तत्तो वि से चइत्ताणं लम्भिहीएलमयगं। नरयं तिरिक्खजोणिं वा बोही जत्थ सुदुल्लहा ॥४८॥ एयं च दोसं दळूणं नायपुत्तेण भासियं । अणुमायं पि मेहावी मायामोसं विवज्जए ॥४९॥ सिक्खिऊण भिक्खेसणसोहिं संजयाण बुद्धाण सगासे । तत्थ 'भिक्खु सुप्पणिहिइंदिए तिव्वलज्जगुणवं
विहरेज्जासि ॥५०॥ त्ति बेमि ॥ ॥पंचमज्झयणस्स पिंडेसणाए बीओ उद्देसओ समत्तो॥
॥ छठमज्झयणं ॥ नाणदंसणसंपन्नं संजमे य तवे रयं । गणिमागमसंपन्नं उज्जाणम्मि समोसढं ॥१॥ रायाणो रायमच्चा य माहणा अदुव खत्तिया। पुच्छन्ति निहुयप्पाणो कहं भे आयारगोयरे ॥२॥ तेसिं सो निहुओ दंतो सव्वभूयसुहावहो। सिक्खाए सुसमाउत्तो आइक्खइ वियक्खणो ॥३॥ हंदि धम्मत्थकामाणं "निग्गंथाणं सुणेह मे। आयारगोयरं भीमं सयलं दुरहिछियं ॥४॥ नन्नत्थ एरिसंवुत्तं जं लोए परमदुच्चरं । विउलठाणभाइस्स न भूयं न भविस्सइ ॥५॥
१ ख. ग. घ. च. वयतेणे. २ च लज्झही; अ. लप्सइ. 3. ख. एडमयगं; घ. एलमअगं. ४ अ. क. ग. भिक्ख. ५ अ. ग. सुप्पणिहिदिए. ६ घ. आयारगोयरो; च. आयारगोयरं. ७ च. निग्गंधाण. ८ ख. वोत्तुं.
