________________
अज्झयण ५-१ दसवेआलियसुत्तं.
'नमोक्कारेण पारेत्ता करेत्ता जिणसंथवं । सज्झायं पठवित्ताणं वीसमेज्ज खणं मुणी ॥९३॥ वीसमंतो इमं चिंते हियमठं लाभमठिओ। जइ मे अणुग्गहं कुज्जा साहू, होज्जामि तारिओ ॥९४॥ साहवो तो चियत्तेणं निमंतेज्ज जहक्कम। जइ तत्थ केइ इच्छेजा तेहिं सद्धिं तु भुंजए॥९५॥ अह कोइ न इच्छेज्जा तओ भुंजेज्ज 'एक्कओ। आलोए भायणे साहू जयं अपरिसाडियं ॥ ९६॥ 'तित्तगं व कडुयं व कसायं अंबिलं व महुरं लवणं वा। "एय लद्धमन्नठपउत्तं महुघयं व भुंजेज्ज संजए ॥९७॥ अरसं विरसंवा वि सूइयं वा असूइयं । उलं वा जइ वा सुक्कं मंथुकुम्मासभोयणं ॥९८॥ उप्पन्नं नाइहीलेज्जा अप्पं वा बहु फासुयं। मुहालद्धं मुहाजीवी भुजिज्जा दोसवज्जियं ॥९९॥ दुल्लहा उ मुहादाई मुहाजीवी वि दुल्लहा। मुहादाई मुहाजीवी दो वि गच्छन्ति सोग्गइं ॥१०॥
॥ति बेमि॥ ॥पंचमज्झयणस्स पिंडेसणाए पढमुद्देसओ समत्तो॥
॥ पंचममज्झयणं-बीओ उद्देसओ ॥ पडिग्गहं संलिहिताणं लेवमायाए संजए। "दुग्गंधं वा सुगंधं वा सव्वं भुंजे न छड्डए ॥१॥ सेज्जा निसीहियाए समावन्नो य गोयरे। "अयावयट्ठा भोच्चाणं जइ तेण न संथरे ॥२॥ "तओ कारणमुप्पन्ने भत्तपाणं गवेसए । विहिणा पुत्ववुत्तेण इमेणं उत्तरेण य ॥३॥
१ क. ख. घ. नमुक्कारेण पारित्ता करित्ता. २ ख. तारओ. ३ अ. क. कोई. ४ अ. ख. ग. घ. एगओ. ५ क. अप्परिसाडियं. ६ च. तित्तियं च कडुयं च; ७. अ. क. ग. एयं लद्ध. ८ च. हु. ९ च. सोगई. १० अ. संगहित्ताणं. ११ ख. लेवमायाय. १२ अ. क. ग. दुगंध. १३ ख छंडए. १४ अ क. आयावयठ्ठा; ख. आयावयटुं. १५ च. तउ.
