Dashvaikalaik Nandi Uvavai

SR No.: 022589
Original Sutra Author: N/A
Author: Hiralal Hansraj
Publisher: Hiralal Hansraj
Publication Year: 1938
Total Pages: 50
Language: Sanskrit
Classification: Book_Devnagari, agam_dashvaikalik, & agam_nandisutra
File Size: 9 MB

Page 5

श्रीजैनसिद्धान्त-खाध्यायमाला
॥ अह खुड्डयायारकहा तइमं अज्झयणं ॥ संजमे सुट्टिअप्पाणं, विप्पमुक्काण ताइणं । तेसिमेयमणाइण्णं, निग्गंथाण महेसिणं ॥ १॥ उद्देसियं कीयगडं, नियागमभिहडाणि य । राइभत्ते सिणाणे य, गंधमल्ले य वोयणे ॥२॥ संनिही गिहिमत्ते य, रायपिंडे किमिच्छए। संवाहणा दंतपहोयणाय, संपुच्छणा देहपलोयणाय ॥ ३ ॥ अट्ठावए य नालीए, छत्तस्स य धारणट्ठाए । तेगिच्छं पाहणापाएं, समारंभं च जोइणो ॥ ४॥ सिज्जायरपिंडं च, आसंदीपलियंकए। गिहतरनिसिज्जा य, गायस्सुवट्टणाणि य ॥५॥ गिहिणो वेआवडियं, जा य आजीववत्तिया। तत्तानिव्वुडभोइत्तं, आउरस्सरणाणि य ॥ ६॥ मूलए सिंगबेरे य, उच्छुखंडे अनिव्वुडे । कंदे मृले य सचित्ते, फले बीए य आमए ॥ ७ ॥ सोवच्चले सिंघवे लोणे, रोमालोणे य आमए । समुद्दे पंमुखारे य, कालालोणे य आमए ॥ ८॥ धुवणे ति वमणे य, वत्थीकम्भविरेयणे । अंजणे दंतवणे य, गायभंगविभूसणे ॥ ९॥ सबमेयमणाइन्नं; निग्गंथाण महेसिणं । संजमम्मि अ जुत्ताणं, लहुभूयविहारिणं ।। १०॥ पंचासवपरिणाया, तिगुत्ता छम् संजया । पंचनिग्गहणा धीरा, निग्गंथा उज्जुदंसिणो ॥ ११ ॥ आयावयंति गिम्हेसु, हेमंतेसु अवाउडा । वासासु पडिसंलीणा, सन्जया सुसमाहिया ॥ १२ ॥ परीसहरिऊदंता, धूअमोहा जिइंदिया। सव्वदुक्खपहीणट्ठा, पक्कमन्ति महेसिणो ॥ १३ ॥ दुक्कराई करित्ताणं, दुस्सहाइं सहित्तु य । केइत्थ देवलोएसु, केइ सिज्झन्ति नीरया ॥ १४ ।। खवित्ता पुवकम्माई, सन्जमेण तवेण य । सिद्धिमग्गमणुप्पत्ता, ताइणो परिणिचुडे । ॥ १५ ॥
त्ति बेमि ॥ इअ खुड्डयायारकहा नाम तइयमज्गयणं ।।
॥ अह छज्जीवणियानामं चउत्थं अज्झयणं ॥ __सुअं मे आउसंतेणं भगवया एवमक्खायं, इह खलु छन्जीवणिया नामज्झयणं समणेणं भग. वया महावीरेणं कासवेणं पवेइया सुअक्खाया सुपनत्ता सेअं मे अहिजिउं अज्झयणं धम्मपण्णत्ती ॥१॥ कयरा खलु साछज्जीवणिया नामज्झयणं समणेणं भगवया महावीरेणं कासवेणं पवेइया सुअक्खाया सुपन्नता से मे अहिजिउं अज्झयणं धम्मपण्णत्ती ॥ २॥ इमा खलु सा छजीवणिया नामज्झयणं समणेणं भगवया महावीरेण कासवेणं पवेइया सुअक्खाया सुपन्नता सेअं मे अहिजिउं अज्झयणं धम्मपन्नत्ती ॥ तंजहा-पुढविकाइया १, आउकाइया २, तेउकाइया ३, वाउकाइया ४, वणस्सइकाइया ५, तसकाइया ६ । पुढवी चित्तमंतमक्खाया अणेगजीवा पुढोसता अन्नत्थ सत्थपरिणएणं । आऊ चित्तमंतमक्खाया अगेगजीवा पुढोसत्ता अन्नत्थ सत्थपरिणएणं । वाऊ चित्तमंतमक्खाया अणेगजीवा पुढोसत्ता अन्नत्थ सत्थपरिणएणं । वाऊ चित्तमंतमक्खाया अणेगजीवा पुढो. सत्ता अन्नत्थपरिणएणं । वणस्सई चित्तमंतमक्खाया अणेगजीवा पुढोसत्ता अन्नत्थ सत्थपरिणएणं तंजहा–अग्गबीया, मूलबीया, पोरबीया, खंधवीया, बीयरुहा, संमुच्छिमा, तणलया, वणस्सइका. इया, सबीया चिचमतमक्खाया अणेगजीवा पुढोसत्ता अन्नत्थ सत्थपरिणएणं । से जे पुण इमे