________________
-11.1]
नायाधम्मकाओ न तुट्ठी वा न हरिसे वा नाणंदे वा जं' मए. सएणं अत्थसारेणं रायकजाओ अप्पाणं विमोईए। तए णं सा भद्दा धणं सत्यवाहं एवं वयासीकहं णं देवाणुप्पिया! मम तुट्ठी वा जाव आणंदे वा भविस्सइ जेणं तुम मम पुत्तघायगस्स नाव पञ्चामित्तस्स वाओ विपुलाओ असणाओ ४ संविभागं करोसि । तए णं से धणे भदं भारियं एवं वयासी-नो खलु देवाणुप्पिए! धम्मो त्ति वा तवो त्ति वा कयपडिकइया इ वा लोगजत्ता इ वा नायए इवा संघाडिए इ वा सहाए इ वा सुहि त्ति वा ताओ विपुलाओ असणाओ४ संविभागे कए नन्नत्थ सरीरचिंताए । तए णं सा भदा धणेणं सत्थवाहेणं एवं वुत्ता समाणी हट्ठा जाव आसणाओ अब्भुटेइ २ कंठाकंठिं अवयासेइ खेमकुसलं पुच्छइ २ ण्हाया जाव पायच्छित्ता विपुलाई भोगभोगाई भुंजमाणी विहरइ । तए णं से विजए तकरे चारगसालाए तेहिं बंधेहि वहहिं कसप्पहारेहि य जाव तण्हाए य छुहाए य परब्भवमाणे कालमासे कालं किचा नरएसु नेरइयत्ताए उववन्ने । से णं तत्य नेरइए जाए काले कालोभासे जाव वेयणं पच्चणुब्भवमाणे विहरइ । से णं तओ उठवट्टित्ता अणादीयं अणवंदग्गं चाउरंतसंसारकंतारं अणुपरियट्टिस्सइ । एवामेव जंबू ! जे णं अम्हं निग्गंथो वा २ आयरियउवज्झायाणं अंतिए मुंडे भवित्ता अगाराओ अणगारियं पव्वइए समाणे विपुलमणिमोत्तियधणकणगरयणसारेणं लुभइ से वि एवं चेव ।
(47) तेणं कालेणं २ थेरां भगवंतो जाइसंपन्ना नाव पुन्वाणुपुन्वि घरमाणा जाव जेणेव रायगिहे नयरे जेणेव गुणसिलए चेइए जाव अहापडिरूवं उग्गहं उग्गिण्हित्ता संजमेणं तवसा अप्पाणं भावमाणा विहरति । परिसा निग्गया धम्मो कहिओ । तए णं तस्स धणस्स सत्यवाहस्स बहुजणस्स अंतिए एयमढे सोचा निसम्म इमेयारुवे अज्झथिए जाव समुप्पज्जित्था - एवं खलु थेरा भगवंतो जाइसंपन्ना इहमागया इहसंपत्ता। तं इच्छामि णं थेरे भगवंते वंदामि नमसामि हाए जाव सुद्धप्पावेसाई मङ्गलाई वत्थाई पवरपरिहिए पायविहारचारेणं जेणेव गुणसिलए चेइए जेणेव थेरा भगवंतो तेणेव उवागच्छइ २ वंदइ नमसइ । सए णं थेरा
