________________
-IL.38]
याधम्मकाओ
॥ बीयं अज्झयणं ॥
(38) जइणं भंते! समणेणं जाव संपत्तेणं पढमस्स नायज्झयणस्स अयमट्ठे पन्नत्ते बिईयस्स णं भंते ! नायज्झयणस्स के अट्ठे पन्नत्ते ? एवं खलु जंबू ! तेणं कालेणं २ रायगिहे नामं नयरे होत्था वण्णओ । तत्थं णं रायगिहस्स नयरस्स बहिया उत्तरपुरत्थिमे दिसीभाए गुणसिलए नाम चेइए होत्था वष्णओ । तस्स णं गुणसिलयस्स चेइयस्स अदूरसामंते एत्थ महं एवं जिज्जा यावि होत्था विणट्ठदेव उले पैरिसडिय तोरणघरे नाणाविहगुच्छगुम्मलयावल्लिवच्छच्छाइए अणेगवालसयसंकणिज्जे यावि होत्था । तस्स णं जिष्णुज्जाणस्स बहुमज्झदेसभाए एत्थ णं महं एगे भग्गकूवए यावि होत्था । तस्स णं भग्गकूवस्स अदूरसामंते एत्थ णं महंगे मालुयाकच्छए यावि होत्था किन्हे किण्होभासे जाव रम्मे महामेहनिउरंबभूए बहूहिं रुक्खेहि य गुच्छेहि य गुम्मेहि य लयाहि य वल्लीहि य कुसेहि य खाणुए ह य संच्छन्ने पलिच्छन्ने अंतो सिरे बाहिं गंभीरे अगवालसय संकणिज्जे यावि होत्था ।
(39) तत्थ णं रायगिहे नयरे र्धणे नामं सत्थवाहे अड्डे दित्ते जाव विउलभत्तपाणे । वस्स णं धणस्स सत्थवाहस्स भद्दा नाम भरिया होत्था सुकुमालपाणिपाया अहीणपडिपुण्णपंचिंदियसरीरा लक्खणवंजणगुणोववेया माणुम्माणप्पमाणपडिपुण्णसुजाय सव्वंगसुंदरंगी ससिसोमागारा कंता पियदंसणा सुरूवा करयलपरिमियतिवलियमज्झा कुंडलुल्लिहियगंडलेहा कोमुइयरयणियरपडिपुण्णसोमवयणा सिंगारागारचा रुबेसा जाब पढिरूवा वंझा अवियाउरी जाणुकोप्परमाया यानि होत्था ।
A
(40) तस्स णं धणस्स सत्थवाहस्स पंथए नामं दासचेडे होत्था सब्वंगसुंदरंगे मंसोवचिए बालकीलावणकुसले यावि होत्था । तए णं से धणे सत्थवाहे रायगिहे नयरे बहूणं नगरनिगमसेट्ठिसत्थ वाहाणं अट्ठारससेणपणी बहू कज्जेय कुटुंबे य जाव चक्खुभूए यावि होत्था नियगस्स वि य णं कुटुंबस्स बहूसु कज्जेसु जाव चक्खुभूए यावि होत्था । ( 41 ) तत्थ णं रायगिहे नयरे विजए नामं तकरे होत्या पावे
