________________
-1.29] नायाधम्मकहाओ
31 सहावेइ २ एवं वयासी - खिप्पामेव भो देवाणुप्पिया! अणेगखंभसयसन्निविटं लीलट्ठियसालभंजियागं ईहामियउसमतुरयनरमगरविहगवालगकिन्नररुरुसरभचमरकुंजरवणलयपउमलयभत्तिचित्तं घंटावलिमहुरमणहरसरं सुभकंतदरिसणिज्जं निउणोवियमिसिमिसेंतमाणिरयणघंटियाजालपरिक्खित्तं अब्भुग्गयवइरवेइयापरिगयाभिरामं विज्जाहरजमलजंतजुत्तं पिव अच्चीसहस्समालणीयं रूवगसहस्सकलियं भिसमाणं भिब्भिसमाणं चक्खुल्लोयणलेस्सं सुहफासं सस्सिरीयरूवं सिग्धं तुरियं चवलं वेइयं पुरिससहस्सवाहिणीयं सीयं उवट्ठवेह । तए णं ते कोडुंबियपुरिसा हट्टतुट्ठ जाव उवट्ठति । तए णं से मेहे कुमारे सीयं दुरुहइ २ सीहासणवरगए पुरत्याभिमुहे सन्निसणे । तए णं तस्स मेहस्स कुमारस्स माया ण्हाया कयबलिकम्मा जाव अप्पमहग्याभरणालंकियसरीरा सीयं दुरुहइ २ मेहस्स कुमारस्स दाहिणपासे भहासणंसि निसीयइ । तए णं तस्स मेहस्स कुमारस्स अंबधाई रयहरणं च पडिग्गहगं च गहाय सीय दुरुहइ २ मेहस्स कुमारस्स वामपासे भासणंसि निसीयइ । तए णं तस्स मेहस्स कुमारस्स पिट्ठओ एगा वरतरुणी सिंगारागारचारवेसा संगयगयहसियभणियचेट्ठियविलाससंलावुल्लावनिउणजुत्तोवयारकुसला आमेलगजमलजुयलवट्टियअब्भुन्नयपीणरइयसंठियपओहरा हिमरययकुदेदुपगासं सकोरेंटमल्लदामधवलं आयवत्तं गहाय सलीलं
ओहोरेमाणी २ चिट्ठइ । तएणं तस्स मेहस्स कुमारस्स दुवे वरतरुणीओ सिंगारागारचारवेसाओ जाव कुसलाओ सीयं दुरुहंति २ मेहस्स कुमारस्स उभओ पसं नानामणिकणगरयणमहरिहतवणिजउज्जलविचित्तदंडाओ चिल्लियाओ सुहुमवरदीहवालाओ संखकुंददगरयअमयमहियफेणपुंजसनिगासाओ चामराओ गहाय सलीलं ओहोरेमाणीओ २ चिट्ठति । तएणं तस्स मेहकुमारस्स एगा वरतरुणी सिंगारा जाव कुसला सीयं जाव दुरुहइ २ मेहस्स कुमारस्स पुरओ पुरथिमेणं चंदप्पभवयरवेरुलियविमलदंडं वालियंट गहाय चिट्ठइ । तए णं. तस्स मेहस्स कुमारस्स एगा वरतरुणी जाव. सुरूवा सीयं दुरुहइ २ मेहस्स कुमारस्स पुव्वदक्खिणेणं सेयं
