________________
-1.16]
नायाधम्मकहाओ इट्ठाहिं कंताहिं जाव समासासेइ । तए णं सेणिए राया अभएणं कुमारेणं एवं वुत्ते समाणे हद्वतुढे जाव अभयं कुमारं सक्कारेइ संमाणेइ २ पडिविसज्जेइ।
(16) तए णं से अभए कुमारे सक्कारिए सम्माणिए पडिविसज्जिए सामाणे सेणियस्स रण्णो अंतियाओ पडिनिक्खमइ २ जेणामेव सए भवणे तेणामेव उवागच्छइ २ सीहासणे निसण्णे । तए णं तस्स अभयकुमारस्स अयमेयारूवे अज्झथिए जाव समुप्पन्जित्था- नो खलु सक्का माणुस्सएणं उवाएणं मम चुलमाउयाए धारिणीए देवीए अकालडोहलमणोरहसंपत्तिं करित्तए नन्नत्थ दिव्वेणं उवाएणं । अत्थि णं मज्झ सोहम्मकप्पवासी पुव्वसंगइए देवे महिड्डीए जाव महासोक्खे । तं सेयं खलु मम पोसहसालाए पोसहियस्स बंभयारिस्स उम्मकमणिसुवण्णस्स ववगयमालावण्णगविलेवणस्स निक्खित्तसत्थमुसलस्स एगस्स अबीयस्स दब्मसंथारोवगयस्स अट्ठमभत्तं पगिण्हित्ता पुव्वसंगइयं देवं मणसीकरेमाणस्स विहरित्तए। तए णं पुत्वसंगइए देवे मम चुल्लमाउयाए धारिणीए देवीए अयमेयारूवं अकालमेहेसु डोहलं विहिइ। एवं संपेहेइ २ जेणेव पोसहसाला तेणामेव उवागच्छइ २ पोसहसालं पमज्जइ उच्चारपासवणभूमि पडिलेहेइ २ दब्भसंथारगं दुरूहइ २ अट्ठमभत्तं पगिण्हइ २ पोसहसालाए पोसहिए बंभयारी जाव पुव्वसंगइयं देवं मणसीकरमाणे २ चिट्ठइ।तएणं तस्स अभयकुमारस्स अट्ठमभत्ते परिणममाणे पुत्वसंगइयस्स देवस्स आसणं चलइ । तए णं पुव्वसंगइए सोहम्मकप्पवासी देवे आसणं चलियं पासइ २ ओहिं पउंजइ । तए णं तस्स पुव्वसंगइयस्स देवस्स अयमेयारूवे अज्झथिए जाव समुप्पज्जित्था- एवं खलु मम पुव्वसंगइए जंबुद्दीवे २ भारहे वासे दाहिणड्डभरहे रायगिहे नयरे पोसहसालाए पोसहिए अभए नाम कुमारे अट्ठमभत्तं पगिण्हित्ता णं मम मणसीकरेमाणे २ चिट्ठइ । तं सेयं खलु मम अभयस्स कुमारस्स अंतिए पाउ
भवित्तए । एवं संपेहेइ २ उत्तरपुरथिमं दिसीभागं अवकमइ २ वेउव्वियसमुग्घाएणं समोहणइ २ संखेज्जाइं जोयणाई दंडं निसिरइ ।
