________________
229
-II.x.161} नायाधम्मकहाओ नवरं पुत्वभवो अरक्खुरीए नयरीए सूरप्पभस्स गाहावइस्स सूरसिरीए भारियाए सूरप्पभा दारिया सूरस्स अग्गमहिसी ठिई अद्धपलिओवमं पंचहिं वाससएहि अब्भहियं सेसं जहा कालीए । एवं सेसाओ वि सव्वाओ अरक्खुरीए नयरीए । सत्तमो वग्गो समत्तो ।
(159) (viii) अट्ठमस्स उक्खेवओ । एवं खलु जंबू ! जाव चत्तारि अज्झयणा पन्नत्ता तंजहा - चंदप्पभा दोसिनामा अचिमाली पभंकरा। पढमज्झयणस्स उखेवओ। एवं खलु जंबू ! तेणं कालेणं तेणं समएणं रायगिहे समोसरणं जाव परिसा पन्जुवासइ । तेणं कालेणं २ चंदप्पमा देवी चंदप्पमंसि विमाणंसि चंदप्पमंसि सीहासणंसि सेसं जहा कालीए नवरं पुत्वभवो महुराए नयरीए भंडिवडेंसए उजाणे चंदप्पभे गाहावई चंदसिरी भारिया चंदप्पभा दारिया चंदस्स अग्गमहिसी ठिई अद्धपलिओवमं पन्नासवाससहस्सेहिं अब्भहियं । सेसं जहा कालीए । एवं सेसाओ वि महुराए नयरीए मायापियरो धूया सरिसनामा। अट्ठमो वग्गो समत्तो । __(160) (ix) नवमस्स उक्खेवओ। एवं खलु जंबू ! जाव अट्ठ अज्झयणा पन्नत्ता तंजहा - पउमा सिवा सई अंजू रोहिणी नमिया इ य । अयला अच्छरा ॥ पढमज्झयणस्स उक्खेवओ। एवं खलु जंबू ! तेणं कालेणं २ रायगिहे समोसरणं जाव परिसा पजुवासइ । तेणं कालेणं २ पउमावई देवी सोहम्मे कप्पे पउमवडेंसए विमाणे सभाए सुहम्माए पउमांस सीहासणंसि जहा कालीए एवं अट्ठ वि अन्झयणा कालीगमएणं नायव्वा नवरं सावत्थीए दोजणीओ हथिणाउरे दोजणीओ कंपिल्लपुरे दोजणीओ साएए दोजणीओ पउमे पियरो विजया मायराओ सव्वाओ वि पासस्स अंतियं पव्वइयाओ सकस्स अग्गमहिसीओ ठिई सत्त पलिओवमाई महाविदेहे वासे अंतं काहिंति । नवमो वग्गो समत्तो। ____(161) (x) दसमस्स उखेवओ । एवं खलु जंबू ! जाव अट्ठ अज्झयणा पन्नत्ता तंजहा- कण्हा य कण्हराई रामा तह रामरक्खिया वसू या। वसुगुत्ता वसुमित्ता वसुंधरा चेव ईसाणे ॥१॥ पढमज्झयणस्स उक्खेवओ। एवं खलु जंबू ! तेणं कालेणं तेणं समएणं रायगिहे समोसरणं जाव
