________________
218
नायाधम्मकहाओ [XIX,149चिट्ठइ । तए णं पुंडरीए कंडरीयं एवं वयासी - अट्ठो भंते ! भोगेहिं ? हंता! अट्ठो। तए णं से पुंडरीए राया कोडुंबियपुरिसे सहावेइ २ एवं वयासी-खिप्पामेव भो देवाणुप्पिया! कंडरीयस्स महत्थं जाव रायाभिसेयं उवट्टवेह जाव रायाभिसेएणं अभिसिंचइ ।
(147) तए णं से पुंडरीए सयमेव पंचमुट्ठियं लोयं करेइ सयमेव चाउज्जामं धम्म पडिवज्जइ २ कंडरीयस्स संतियं आयारभंडग गेण्हइ २ इमं एयारूवं अभिग्गहं अभिगिण्हइ - कप्पइ मे थेरे वंदिता नमंसित्ता थेराणं अंतिए चाउज्जामं धम्म उवसंपजित्ताणं तओ पच्छा आहारं आहारित्तए तिकटु इमं एयारूवं अभिग्गहं अभिगिण्हित्ताणं पुंडरिगिणीओ पडिनिक्खमइ २ पुव्वाणुपुत्विं चरमाणे गामाणुगाम दुइज्जमाणे जेणेव थेरा भगवंतो तेणेव पहारेत्थ गमणाए।
(148) तए पं तस्स कंडरीयस्स रन्नो तं पणीयं पाणभोयणं आहारियस्स समाणस्स अइजागरएण य अइभोयणप्पसंगेण य से आहारे नो सम्मं परिणए । तए णं तस्स कंडरीयस्स रन्नो तंसि आहारंसि अपरिणममाणंसि पुव्वरत्तावरत्तकालसमयसि सरीरगंसि वेयणा पाउब्भूया उज्जला विउला पगाढा जाव दुरहियासा पित्तज्जरपरिगयसरीरे दाहवकंतीए यावि विहरइ । तए णं से कंडरीए राया रजे य रटे य अंतेउरे य जाव अझोववन्ने अट्टदुहट्टवसट्टे अकामए अवसवसे कालमासे कालं किञ्चा अहे सत्तमाए पुढवीए उक्कोसकालट्ठिइयंसि नरयंसि नेरइयत्ताए उववन्ने। एवामेव समणाउसो ! जाव पव्वइए समाणे पुणरवि माणुस्सए कामभोए आसाएइ जाव अणुपरियट्टिरसइ जहा व से कंडरीए राया ।
(149) तए णं से पुंडरीए अणगारे जेणेव थेरा भगवंतो तेणेव उवागच्छइ २ थेरे भगवंते वंदइ नमसइ २ थेराणं अंतिए दोचंपि चाउज्जामं धम्म पडिवनइ छट्ठक्खमणपारणगंसि पढमाए पोरिसीए सज्झायं करेइ २ जाव अडमाणे सीयलुक्खं पाणभोयणं पडिगाहेइ २ अहापजत्तमित्तिकटु पडिनियत्तेइ जेणेव थेरा भगवंतो तेणेव उवागच्छई २ भत्तपाणं पडिदंसेइ २ थेरेहिं भगवंतेहिं अब्भणुनाए समाणे
