________________
206
नया मकाओ
[XV1.136
-
अरिट्ठनेमी उज्जंत सेलसिहरे मासिएणं भत्तेगं अपाणएणं पंचहिं छत्तीसेहिं अणगारसएहिं सद्धिं कालगए जाव पहीणे । तए णं ते जुहिट्ठिलवजा चत्तारि अणगारा बहुजणस्स अंतिर्ए सोच्चा हत्थकपाओ पडिनिक्खमंत २ जेणेव सहसंबवणे उज्जाणे जेणेव जुहिट्ठिल्ले अणगारे तेणेव उवागच्छंत २ भत्तपाणं पञ्चक्खति २ गमणागमणस्स पडिक्कमति २ एसणमणेसणं आलोएंति २ भन्तपाणं पडिदर्सेति २ एवं वयासी - एवं खलु देवाणुप्पिया जाव कालगए । तं सेयं खलु अम्हं देवाणुप्पिया ! इमं पुव्र्वगाहियं भत्तपाणं परिद्ववेत्ता से पव्वयं सणियं २ दुरुहित्तर संलेहणासणाझोसियाणं कालं अणवेक्खमाणाणं विहरित्तए तिकट्टु अन्नमन्नस्स एयमटुं पडिसुर्णेति २ वं पुव्वगहियं भत्तपाणं एते परिवेंति २ जेणेव सेतुखे पव्वए तेणेव उवागच्छंति २ सेतु पव्वयं सणियं २ दुरूहंति जाव कालं अणवकखमाणा विहरंति । तए णं ते जुहिट्ठिलपामोक्खा पंच अणगारा सामाइयमाइयाई चोद्दस पुव्वाईं अहिनंति बहूणि वासाणि दोमासियाए संलेहणार अत्ताणं झोसेत्ता जस्साए कीरइ नग्गभावे जाव तमट्ठमाराहेति २ अनंते जाव केवलवरनाणदंसणे समुप्पन्ने जाव सिद्धा ।
(136) तए णं सा दोवई अज्जा सुव्वयाणं अज्जियाणं अंतिए सामाइयमाइयाई एक्कारस अंगाई अहिज्बइ २ बहूणि वासाणि मासियाए संलेहणाए आलोइयपडिक्कंता कालमासे कालं किश्वा बंभलोए उववन्ना । तत्थ णं अत्थेगइयाणं देवाणं दस सागरोवमाइं ठिई पन्नत्ता । तत्थ णं दुवस्स वि देवस्स दससागरोवमाई ठिई पन्नत्ता । से णं भंते ! दुवए देवे ताओ जाव महाविदेहे वासे जाव अंतं काहि ।
एवं खलु जंबू ! समणेणं भगवया महावीरेणं जाव संपत्तेणं सोलसमस्स नायज्झयणस्स अयमट्ठे पन्नत्ते त्तिबेमि |
|| सोलसमं नायज्झयणं समतं ॥ १६ ॥
