________________
135
-XI.96] .. नायाधम्मकहाओ पुरिसे सव्वआराहए पन्नत्ते । एवं खलु गोयमा ! जीवा आराहगा वा विराहगा वा भवंति ।
एवं खलु जंबू ! समणेणं भगवया महावीरेणं जाव संपत्तेणं एक्कारसमस्स अयमढे पन्नत्ते तिबेमि ॥११॥
॥ एकारसम नायज्झयणं समस ॥११॥
॥ बारसमं अज्झयणं । (97) जइ णं भंते ! समणेणं जाव संपत्तेणं एकारसमस नायझयणस्स अयमढे पन्नत्ते बारसमस्स णं के अढे पन्नत्ते ? एवं खलु जंबू ! तेणं कालेणं २ चंपा नाम नयरी । पुण्णभहे चेइए । जियसत्तू नामं राया। धारिणी देवी । अदीणसत्तू नाम कुमारे जुवराया वि होत्या । सुबुद्धी नामं अमच्चे जाव रजधुराचिंतए यावि होत्था जाव समणोवासए । तीसे णं चंपाए नयरीए बहिया उत्तरपुरत्यिमेणं एगे फरिहोदए यावि होत्था मेयवसारुहिरमंसपूयपडलपोच्चडे मयगकलेवरसंछन्ने अमणुने णं वण्णेणं जाव फासेणं से जहानामए अहिमडे इ वा गोमडे इ वा जाव मयकुहियविणट्ठकिमिणवावण्णदुरभिगंधे किमिजालाउँले संसत्ते असुइविगयबीभच्छदरिसणिज्जे । भवेयारूवे सिया ? नो इणढे समढे । एत्तो अणिढ़तराए चेव जाव गंधेणं पन्नत्ते।
(98) तए णं से जियसत्तू राया अन्नया कयाइ हाए कयबलिकम्मे जाव अप्पमहग्याभरणालंकियसरीरे बहूर्हि ईसर नाव सत्थवाह - पमिईहिं सद्धिं भोयणमंडवंसि भोयणवेलाए सुहासणवरगए विउलं असणं ४ जाव विहरइ जिमियभुत्तुत्तरागए जाव सुइभए तसि विपुलंसि असणांस ४ जाव जायविम्हए ते बहवे ईसर जाव पभिईए एवं वयासीअहो णं देवाणुप्पिया ! इमे मणुन्ने असणं ४ वण्णेणं उववेए जाव फासेणं
