________________
122
याधम्मक हाओ
[IX.85
धरिमं च मेज्जं च पारिच्छेज्जं च जहा अरहन्नगस्स जाव लवणसमुद्द बहूइं जोयणसयाई ओगाढा ।
(85) तंए णं तेसिं माकंदियदारगाणं अणेगाई जोयणसयाई ओगाढाणं समाणांणं अणेगाई उप्पाइयसयाई पाउब्भूयाई तंजहा - अकाले गज्जियं जाव थणियसद्दे कालियवाए तत्थ समुट्ठिएं । तए णं सा नावा तेणं कालियवाएणं आहुणिज्जमाणी २ संचालिज्जमाणी २ संखोभिज्जमाणी २ सलिलतिक्खवेगेहिं अईवट्टिज्जमाणी २ कोट्टिमंसि करतलाहए विव तिंदूस तत्थेव २ ओवयमाणी य उप्पयमाणी य उप्पयमाणी विव धरणीयलाओ सिद्धविज्जा विज्जाहरकन्नगा ओवयमाणी विव गगणतलाओ भट्ठविज्जा विज्जाहरकन्नगा विपलायमाणी विव महागरुलवेंगवित्तासिया भुयगवरकन्नगा धावमाणी विव महार्जंणरसिय सद्दवित्तत्था ठाणभट्ठा आसकिसोरी निगुंजमाणी विव गुरुजणदिट्ठावराहा सुजणकुलंकन्नगा घुम्ममणी विव वीचिपहारसयतालिया गलिर्यलंबणा विव गगणतलाओ रोयैमाणी विव सलिलभिन्नगठिविप्पइरमाणैथोरंसुवाएहिं नववहू उवरयभत्तया विलवाणी विव परचकरायाभिरोहिया परममह भयाभिद्द्या महापुरवरी झायमाणी वि कवडच्छोमंणपओगजुत्ता जोगपरिव्वाइया नीससमाणी विव महाकं तारविणिग्गयपरिस्संता पारणयवया अम्मया सोयमाणी विव तवचरणखीणपरिभोगा चवणकाले देववरवहू संचुण्णियकेंटुकूबरा भग्गमेढिमोडियसहस्समाला सूलाइयर्वक परिमासा फलहंतरतडतडेंत फुट्टंत संधिवियलंतलोहखीलिया सव्वंगवियंभिया परिसडियरज्जुविसरंत सव्वगत्ता आमगम लगभूया अकयपुण्णजणमणोरहो विव चिंतिज्जमाणगुरुई. हाहाकयकण्णधारनीवियवाणियगजणकम्मकरैविलविया नाणाविहरयणपणिय संपूण्णा बहूहिं पुरिससएहिं रोयमाणेहिं कंदमाणेहिं सोयमाणेहिं तिप्पमाणेहिं विलवमाणेहिं एगं महं अंतोजलगयं गिरिसिहरमासाइत्ता संभग्गकूषतोरणा मोडियज्झयदंडा वलयसयखंडिया कडकडेस तत्थेव विद्दवं उवगया । तए णं वीए नावाए भिज्ज़माणीए ते बहवे पुरिसा विपुलपणिय भंडभायाए अंतोजलंमि निर्भज्जावि यावि होत्या ।
