________________
-VIII.77] 'नायाधम्मकहाओ संचाएमो संघाडित्तए । तए णं अम्हे सामी ! एयस्स दिव्वस्स कुंडलस्स अन्नं सरिसयं कुंडलजुयलं घडेमो । तए णं से कुंभए राया तीसे सुवण्णगारसेणीए अंतिए एयमहूँ सोच्चा निसम्म आसुरुत्ते ४ तिवलियं भिउडि निडाले साहटु एवं वयासी - केस णं तुम्भे कलायाणं भवह जे णं तुब्भे इमस्स दिव्वस्स कुंडलजुयलस्स नो संचाएह संधि संघाडित्तए ? ते सुवण्णगारे निविसए आणवेइ । तए णं ते सुवण्णगारा कुंभगेणं रन्ना निव्विसैया आणत्ता समाणा जेणेव साइं २ गिहाइं तेणेव उवागच्छंति २ सभंडमत्तोवगरणमायाए मिहिलाए रायहाणीए मज्झमझेणं निक्खमंति २ विदेहस्स जणवयस्स मंझमझेणं जेणेव कासी जणवए जेणेव वाणारसी नयरी तेणेव उवागच्छंति २ अग्गुज्जाणंसि सगडीसागडं मोएंति २ महत्थं जाव पाहुडं गेण्हंति २ वाणारसीए नयरीए मझमज्झेणं जेणेव संखे कासरािया तेणेव उवागच्छंति २ करयल जाव वद्धाति एवं वयासीअम्हे णं सामी ! मिहिलाओ कुंभएणं रन्ना निव्विसया आणत्ता समाणा इह हव्वमागया । तं इच्छामो णं सामी ! तुभं बाहुच्छायापरिग्गहिया निब्भया निरुव्विग्गा सुहंसुहेणं परिवसिउं । तए णं संखे कासीराया ते सुवण्णगारे एवं वयासी - किं णं तुम्मे देवाणुप्पिया ! कुंभएणं रना निव्विसया आणत्ता ? तए णं ते सुवण्णगारा संखं एवं वयासी - एवं खलु सामी ! कुंभगस्स रनो धूयाए पभावईए देवीए अत्तयाए मल्लीए कुंडलजुयलस्स संधी विसंघडिए । तए णं से कुंभए सुवण्णगारसोणं सहावेइ जाव निविसया आणत्ता । तं एएणं कारणेणं सामी ! अम्हे कुंभएणं निविसया आणत्ता । तए णं से संखे सुवण्णगारे एवं वयासी – केरिसिया णं देवाणुप्पिया ! कुंभस्स रनो धूया पभावईदेवीए अत्तया मल्ली विदेहरायवरकन्ना ? तए णं ते सुवण्णगारा संखं रायं एवं वयासी- नो खलु सामी ! अन्ना कावि तारिसिया देवकन्ना वा गंधव्वकन्ना वा जाव जारिसिया णं मल्ली २ । तए णं से संखे कुंडलजणियहासे दूयं सदावेइ जाव तहेव पहारेत्थ गमणाए ४ । १४
