________________
श्री महानिशीथ सूत्रम्
५९ तत्थ आगमओ गुरुपरंपरिएणं आवलियाए ण केई कुसीले आसी उ ते चेव कुसीले भवंति ।३।
नोआगमओ अणेग विहा, तं जहा - णाणकुसीले दंसण-कुसीले चारित्तकुसीले तवकुसीले वीरिअकुसीले ।४।। __तत्थं णं जे से नाणकुसीले से णं तिविहे णेए - पसत्थापसत्थनाणकुसीले अपसत्थ-नाण-कुसीले सुपसत्थनाणकुसीले ।५।
तत्थ जे से पसत्थापसत्थनाणकुसीले से दुविहे णेए आगमओ नोआगमणो य । तत्थ आगमओ विहंगनाणीपन्नवियपसत्थाऽपसत्थपयत्थजाल-अज्झयणऽज्झावणकुसीले, नो आगमओ अणेगहा पसत्थापसत्थ-परपासंडसत्त्थत्थजालाहिजणऽज्झावण-'वायणाणुपेहणकुसीले ।६।
तत्थ जे ते अपसत्थनाणकुसीले ते एगूणतीसइविहे दट्टव्वे, तं
जहा -
सावजवायविजामंततंत-पउंजण-कुसीले । विजामंततंताहिजणकुसीले ।२। वत्थुविजापउंजणाहिज्झणकुसीले गहरिक्खचारजोइससत्थपउंजणाहिज्जणकुसीले ।३।निमित्तलक्खणपउंजणाहिजणकुसीले ।४। सउणलक्खणपउंजणाहिज्जण-कुसीले ५। हत्थिसिक्खापउंजणाहिज्जण-कुसीले ६। धणुव्वेयपउंजणाहिजणकुसीले ७ गंधव्वेय-पउंजणा-हिज्जणकुसीले ।८। पुरिसित्थीलक्खण- पउंजणज्झावण कुसीले ।९। कामसत्थपउंजणाहिज्जण-कुसीले ।१०।
कुहुगिंदजालसत्थ-पउंजणाहिजण-कुसीले ।११। आलेक्खविज्जाहिजण-कुसीले ।१२। लेप्पकम्म-विजाहिज्जण-कुसीले ।१३।
१. 'वायणापेहणकुं' पाठान्तरमिति ।
