________________
४०
श्री महानिशीथ सूत्रम्-अध्य०२
विसएहिं बाहिजइ, तओ सव्वप्पयारेहिं णं सव्वित्थियं अच्चत्थं मउक्कडत्ताए रागेण संधुक्किजमाणी कामग्गीए सहावओ चेव विसएहिं बाहिज्जमाणी अणुसमयं सव्वदिसिविदिसासुं णं सव्वत्थ विसए पत्थिजा । जाव णं सव्वत्थ विसए पत्थेजा ताव णं सव्वपयारेहिं णं सव्वहा पुरिसं संकप्पेज्जा, जाव णं पुरिसं संकप्पेजा, जाव णं सोइंदिओवओगत्ताए चक्खुरिंदिओवओगत्ताए रसणिंदिओवओगत्ताए घाणिंदिओवओगत्ताए फासिंदिओवओगत्ताए जत्थ णं केई पुरिसे कंतरुवेइ वा अकंतरुवेइ वा पडुपन्नजोव्वणेइ वा अपडुपन्नजोव्वणेइ वा गयजोव्वणेइ वा दिट्ठपुव्वेइ वा अदिट्टपुव्वेइ वा इड्डिमंतेइ वा अणिड्डिमंतेइ वा इड्डिपत्तेइ वा अणिड्डिपत्तेइ वा विसयाउरेइ वा निम्विन्नकामभोगेइ वा उद्धयबोंदीएइ वा अणुद्धयबोंदीएइ वा महासत्तेइ वा हीणसत्तेइ वा महापुरिसेइ वा कापुरिसेइ वा समणेइ वा माहणेइ वा अन्नयरेइ वा निंदियाहमहीणजाइए वा तत्थ णं ईहापोहवीमंसं पउंजित्ताणं जाव णं संजोगसंपत्तिं जाएजा जाव णं संजोगसंपत्तिं परिकप्पे ताव णं से चित्ते संखुद्धे भवेजा, जाव णं से चित्ते संखुद्धे भवेजा ताव णं से चित्ते विसंवएजा, जाव णं से चित्ते विसंवएज्जा ताव णं से देहे 'सेएण अद्धासेज्जा ताव णं से दरविदरे इहपरलोगावाए पम्हुसेजा, जाव णं से दरविदरे इहपरलोगावाए पम्हुसेज्जा ताव णं चेचा लज्जं भयं अयसं अकित्तिं मेरं उच्चट्ठाणाओ णीयट्ठाणं ठाएज्जा, जाव णं उच्चट्ठाणाओ नीयट्ठाणं ठाएजा ताव णं वच्चेज्जा असंखेज्जाओ समयावलियाओ, जाव णं निजंति असंखेजाओ समयावलियाओ, ताव णं जं पढमसमयाओ कम्मट्टिइयं तं बीयसमयं पडुच्च तइयादियाणं समयाणं संखेनं असंखेनं अणंतं वा अणुक्कमसो कम्मठिई संचिणिज्जा, जाव णं अणुक्कमसो अणंतकम्मट्टिइं संचिणइ ताव णं असंखेज्जाइं
१. स्वेदेनाऽध्यासीत-आश्रयेत यदिवा 'मएणं' इति पाठान्तरमाश्रित्य मदेनेति । २. 'णीयंति' णिइंति इति पाठान्तरे एकार्थिक इति ।
