________________
१६६
श्री महानिशीथ सूत्रम् - अध्य०६
भयवं ! कस्सालोएज्जा ? पच्छित्तं को व देज्ज वा ? कस्स व पच्छित्तं देज्जा ?, आलोयावेज वा कहं ॥ ८९ ॥ गोयमालोयणं ताव, केवलीणं बहूसुवि । जोयणसएहिं गंतूण, सुद्धभावेहिं दिजए ||९०॥
चउनाणीणं तयाभावे, एवं ओहि - मईसुए । जस्स विमलयरे तस्स, तारतम्मेण दिई ||९१ |
उस्सग्गं पन्नविंतस्स उस्सग्गे पट्ठियस्स य । उस्सग्गरूइणो चैव सव्वभावंतरेहिं णं ॥ ९२ ॥ उवसंतस्स दंतस्स, संजयस्स तवसिणो । समितीगुतिपहाणस्स, दढचारित्तस्सासढभाविणो ।। ९३ ।।
,
आलोएज्जा पडिच्छेज्जा, दिज्जा दाविज्ज वा परं । अहन्निसं तदुद्दिनं, पायच्छित्तं अणुच्चरे ||९४ ||
से भयवं ! कित्तियं तस्स, पच्छित्तं हवइ निच्छियं ? पायच्छित्तस्स ठाणाई, केवइयाई ? कहेहि मे ॥ ९५||
गोयमा ! जं सुसीलाणं, समणाण दसण्ह उ । खलियागयपच्छित्तं, संजई तं नवगुणं ॥ ९६ || एक्का पावइ पच्छित्तं, जइ सुसीला दढव्वया । अह सीलं विराहेज्जा, ता तं हवइ सयगुणं ॥ ९७॥
तीए पंचेंदिया जीवा, जोणीमज्झे निवासिणो । सामन्नं नव लक्खाई, सव्वे पासंति केवली ॥९८॥ केवलनाणस्स ते, गम्मा णोऽकेवली ताई पासती । ओहिनाणी वियाणेए, णो पासे मणपजवी ॥९९॥
