________________
होही
उगपयंडदंडे
सण पावे पाहावर पावमई अणा
१३८
श्री महानिशीथ सूत्रम्-अध्य०५ णं सरन्ने से णं सिद्धे मुत्ते पारगए देवे देवदेवे, एयस्स णं गोयमा ! गणनिक्खेवं कुजा एयस्स णं गणनिक्खेवं कारवेजा एयस्स णं गणनिक्खेवणं समणुजाणेज्जा, अन्नहा णं गोयमा ! आणांभंगे ।१५।
से भयवं ! केवइयं कालं जाव एस आणा पवेइया ? गोयमा ! जाव णं महायसे महासत्ते महाणुभागे सिरिप्पभे अणगारे । से भयवं ! केवइएणं कालेणं से सिरिप्पभे अणगारे भवेज्जा ? गोयमा ! होही दुरंतपंतलक्खणे अदट्ठव्वे रोद्दे चंडे पयंडे उग्गपयंडदंडे निम्मेरे निक्किवे निग्घिणे नित्तिंसे कुरयर-पावमई अणारिए मिच्छद्दिट्ठी कक्की नाम रायाणे । से णं पावे पाहुडियं भमाडिउकामे सिरिसमणसंघं कयत्थेजा, जाव णं कयत्थेइ ताव णं गोयमा ! जे केई तत्थ सीलड्ढे महाणुभागे अचलियसत्ते तवोहणे अणगारे, तेसिं च पाडिहेरियं कुजा सोहम्मे कुलिसपाणी एरावणगामी सुरवरिंदे । एवं च गोयमा ! देविंदवंदिए दिट्ठपच्चए णं सिरिसमणसंघे 'णिट्ठिजा णं कुणय-पासंडधम्मे, जाव, णं गोयमा ! एगे अबिइज्जे अहिंसालक्खणखंतादि-दसविहे धम्मे, एगे अरहा देवाहिदेवे, एगे जिणालए, एगे वंदे पूए दक्खे सक्कारे सम्माणे महायसे महासत्ते महाणुभागे दढसीलव्वयनियमधारए तवोहणे साहू तत्थ णं चंदमिव सोमलेसे सूरिए इव तवतेयरासी पुढवी इव परीसहोवसग्गसहे मेरुमंदरधरे इव निप्पकंपे ठिए अहिंसालक्खणखंतादिदसविहेधम्मे से णं सुसमणगणपरिवुडे निरब्भगयणामलकोमुईजोगजुत्ते इव गहरिक्खपरियरिए गहवई चंदे अहिययरं विराइज्जा गोयमा ! से णं सिरीप्पभे अणगारे । तो गोयमा ! एवतियं कालं जाव एसा आणा पवेइया ।१६।
से भयवं ! उड्ढे पुच्छा, गोयमा ! तओ परेण उड्ढं हायमाणे कालसमए, तत्थ णं जे केई छक्कायसमारंभविवज्जी से णं धन्ने पुन्ने वंदे पूए नमंसणिज्जे सुजीवियं जीवियं तेसिं ।१७।
१. निष्ठापयेदिति ।
