________________
Sut. 12-]
औपपातिकसूत्रम् यरिछगनीलगुलियागवलाइरेगभमरनिकुरुंबभूए जंबूफलअसणकुसुमबंधननीलुप्पलपत्तनिगरमरगयासासगनयणचीयारासिवण्णे निद्धे घणे अझुसिरे रूवगपडिरूवदरिसणिज्जे आयंसगतलोवमे सुरम्मे सीहासणसंठिए सुरूवे मुत्ताजालखइयंतकम्मे आईणगरुयबूरनवणीयतूलफासे सव्वरयणामए अच्छे जाव 5 पडिरूवे ॥]
SUTRA 11. तत्थ णं चंपाए णयरीए कूणिए णामं राया परिवसइ, महयाहिमवंतमहंतमलयमंदरमहिंदसारे अच्चंतविसुद्धदीहरायकुलवंसमुप्पसूए णिरंतरं रायलक्खणविराइयंगमंगे बहुजणबहुमाणपूइए सव्वगुणसमिद्धे खत्तिए मुइए मुध्दाहिसित्ते 10 मागपिउमुजाए दयपत्ते सीमंकरे सीमंधरे खेमंकरे खेमंधरे मणुसिदे जणवयपिया जणवयपाले जणवयपुरोहिए सेउकरे केउकरे णरपवरे - पुरिसवरे पुरिससीहे पुरिसवग्धे पुरिसासीविसे पुरिसपुंडरीए पुरिसवरगंधहत्थी अड्ढे दित्ते वित्ते विच्छिण्णविउलभवणसयणासणजाणवाहणाइण्णे बहु- 15 धणबहुजायस्वरयए आओगपओगसंपउत्ते विच्छड्डियपउरभत्तपाणे बहुदासीदासगोमहिसगवेलगप्पभूए पडिपुण्णजंतकोसकोठागाराउधागारे बलवं दुब्बलपच्चामित्ते ओहयकंटयं निहयकंटयं मालयकंटयं उध्दियकंटयं अकंटयं ओहयसत्तुं निहयसत्तुं मलियसत्तुं उध्दियसत्तुं निज्जियसत्तुं पराइयसत्तुं 20 ववगयदुभिक्खं मारिभयविप्पमुकं खेमं सिवं सुभिक्खं पसंतडिंबडेमरं रज्जं पसासेंमाणे विहरइ ॥
___ SUTRA 12. तस्स ण कोणियस्स रण्णो धारिणी णामं देवी होत्था, सुकुमालपाणिपाया अहीणपडिपुण्णपंचिंदियसरीरा लक्षण
१ Noted in L & A शिलापट्टवर्णकः किंचिदन्यथादृश्यते. २ I A° माणे ३ L. वित्थिण्ण. ४ A notes पसंताहियडमरं ५ ६ साहेमाणे ६ A reads होज्जा.
