________________
उत्तराध्ययनसूत्रम् (अध्ययनं १)
अणुसासिओ न कुप्पिज्जा, खंतिं सेविज्ज पंडिए । खुड्डेहिं सह संसगि, हासं कीडं च वज्जए ।। ९ ।। माय चंडालिये कासी, बहुयं मा य आलवे । कालेज य अहिज्जिन्त्ता, तओ झाएज्ज एगगो ॥ १० ॥ आहच चंडालियं कट्टु, न निण्हविज्ज कयाइ वि । कड कडे त्ति भासेज्जा, अकड नो कडे न्ति य ।। ११ ।। मा गलियम्सेव कसं, वयणमिच्छे पुणो पुणो । कस व दट्टुमाइणे, पावगं परिवज्जए ।। १२ ।। अणासवा थूलवया कुसीला, मिउं पि चंड पकरिंति सीसा । चित्ताणुया लहु दक्खोववेया, पसायए ते हु दुरासयं पि ॥ १३ ॥ नापुट्ठो वागरे किंचि, पुठ्ठो वा नालियं वए ।
कोहं असच्च कुव्वेना, धारेज्जा पियमप्पियं ॥ १४ ॥ अप्पा चैव दमेयव्वो, अप्पा हु खलु दुहमो । अप्पा दंतो सही होइ, अरिंस लोए परत्थ य ।। १५ ।। वर मे अप्पा दंतो, संजमेण तवेण य ।
मोहं परेहिं दम्मंतो, बंधणेहिं वहेहि य ॥ १६ ॥
पडिणीयं च बुद्धाणं, वाया अदुव कम्मुणा ।
आवी वा जह वा रहिस्सि, नेव कुज्जा कयाइ वि ॥ १७॥ न पक्खओ न पुरओ, णेव किञ्चाण पिटुओ ।
न जुंजे ऊरुणा ऊरु, सयणे नो पडिस्सुणे ।। १८ ।।
नेव पल्हत्थियं कुब्जा, पक्खपिंड च सजए । पाए पसारिए बावि, न चिट्ठे गुरूणंतिए । १९ ।।
