________________
१०२ उत्तराध्ययनसूत्रम् (अध्ययन २५) समुवट्टियं तहिं सतं, जायगो पडिसेहए । न हु दाहामि ते भिक्ख, भिक्खू जायाहि अन्नओ ॥ ६ ॥ जे य वेयविऊ विप्पा, जन्नट्ठा य जिईदिया । जासंगविऊ जे य, जे य धम्मस्स पारगा ॥ ७ ॥ जे समत्था समुद्धत्तु, परमप्पाणमेव य ।। तेसिं अन्नमिण देयं, भो भिक्खू सब्वकामियं ॥ ८ ॥ सेो तत्थ एव पडिसिद्धो, जायगेण महामुणी । न वि रुट्ठो न वि तुट्ठो, उत्तमढगवेसओ ॥ ९ ॥ नन्नटुं पाणहेउवा, नवि निव्वाहणाय वा । तेसिं विमोक्खनढाए, इणं वयणमब्बवी ॥ १० ॥ नवि जाणसि वेयमुहं, नवि जन्माण ज मुह ।। नक्खत्ताण मुहं जंच, जौं च धम्माण वा मुहं ।। ११ ।। जे समत्था समुद्धत्त, परमप्पाणमेव य । न ते तुम वियाणासि. अह जाणासि तो भण ॥ १२ ॥ तस्सक्खेवपमेक्खि तु, अवयंतो तहिं दिओ । सपरिसा पंजली हाउ, पुच्छई तं महामुणिं ॥ १३ ॥ वेयाण च मुह बूहि, बूहि जन्नाण जौं मुह । नक्खत्ताण मुह बूहि, बूहि धम्माण वा मुह ।। १४ ।। जे समत्था समुद्धत्त, परमप्पाणमेव य । एयं में संसयं सव्वं, साहू कहसु पुच्छिओ ॥ १५ ॥ अग्गिहुत्तमुहा वेया, जन्नट्ठी वेयसा मुह । नक्खत्ताण मुह चंदो, धम्माण कासवो मुह ॥ १६ ॥
