________________
३०७. जइ ते सुता वेतरणीऽभिदुग्गा, निसितो जहा खुर इव तिक्खसोता ।
तरंति ते वेयरणि भिदुग्गं, उसुचोदिता सत्तिसु हम्ममाणा ॥८ ॥ ३०८. कोलेहिं विज्झंति असाहुकम्मा, नावं उवेंते सतिविप्पहूणा । अन्ने त्थ सूलाहिं तिसूलियाहिं, दीहाहिं विद्धूण अहे करेंति ॥९॥
३०९. केसिंच बंधित्तु गले सिलाओ, उदगंसि बोलेंति महालयंसि । कलंबुयावालुय मुम्पुरे य, लोलेंति पच्चंति या तत्थ अन्ने ॥१०॥
३१०. असूरियं नाम महम्भितावं, अंधंतमं दुप्पतरं महंतं । उड्डुं अहे य तिरियं दिसासु, समाहितो जत्थऽगणी झियाति ॥ ११ ॥
३११. जंसि गुहाए जलणेऽतियट्टे, अजाणओ डज्झति लुत्तपणे । सया य कलुणं पुण घम्मठाणं, गाढोवणीयं अतिदुक्खधम्मं ॥ १२ ॥
३१२. चतारि अगणीओ समारभित्ता, जहिं कूरकम्माऽभितवेंति बालं । तत्थ चितऽभितप्पमाणा, मच्छा व जीवंतुवजोतिपत्ता ॥ १३ ॥
३१३. संतच्छणं नाम महम्भितावं, ते नारगा जत्थ असाहुकम्मा । हत्थेहि पाएहि य बंधिऊणं, फलगं व तच्छंति कुहाडहत्था ॥ १४ ॥
३१४. रुहिरे पुणो वच्चसमूसियंगे, भिन्नुत्तमंगे परियत्तयंता । पयंति णं णेरइए फुरंते, सजीवमच्छे व अओकवले ॥१५॥
82
