________________
बिइओ उद्देसओ
१८२. अहिमे सुहुमा संगा भिक्खूणं जे दुरुत्तरा ।
जत्थ एगे विसीयंति ण चयंति जवित्तए ॥१॥ १८३. अप्पेगेणायओ दिस्स रोयंति परिवारिया।
पोसणे तात पुट्ठोऽसि कस्स तात चयासिणे ॥२॥ १८४. पिता ते थेरओ तात ससा ते खुड्डिया इमा ।
भायरो ते सगा तात सोयरा किं चयासिणे ॥३॥
१८५. मातरं पितरं पोस एवं लोगो भविस्सइ ।
एयं खु लोइयं ताय जे पोसे पिउ-मातरं ॥४॥
१८६. उत्तरा महुरुलावा पुत्ता ते तात खुड्डगा।
भारिया ते णवा तात मा से अण्णं जणं गमे ॥५॥
१८७. एहि ताय घरं जामो मा तं कम्म सहा वयं ।
बीयं पितात पासामो जाम ताव सयं गिहं ॥६॥
१८८. गंतुं तात पुणाऽऽगच्छे ण तेणऽसमणो सिया।
अकामगं परक्कम्म को ते वारेउमरहति ॥७॥
१८९. जंकिंचि अणगं तात तं पि सव्वं समीकतं ।
हिरण्णं ववहारादी तं पि दासामु ते वयं ॥८॥ १९०. इच्चेवणं सुसेहंति कालुणिया समुट्ठिया ।
विबद्धो नातिसंगेहिं ततोऽगारं पधावति ॥९॥
48
