________________
१७३. अप्पेगे पडिभासंति पाडिपंथियमागता ।
पंडियारगया एते जे एते एवजीविणो ॥९॥ १७४. अप्पेगे वइं जुजति निगिणा पिंडोलगाहमा ।
मुंडा कंडूविणटुंगा उज्जला असमाहिया ॥१०॥ १७५. एवं विप्पडिवण्णेगे अप्पणा तु अजाणगा।
तमाओ ते तमं जंति मंदा माहेण पाउडा ॥११॥
१७६. पुट्ठो य दंस-मसएहि तणफासमचाइया।
न मे दिढे परे लोए जइ परं मरणं सिया ॥१२॥ १७७. संतत्ता केसलोएणं बंभचेरपराजिया।
तत्थ मंदा विसीयंति मच्छा पविट्ठा व केयणे ॥१३॥
१७८. आतदंडसमायारा मिच्छासंठियभावणा।
हरिसप्पदोसमावण्णा केयि लूसंतिऽणारिया ॥१४॥ १७९. अप्पेगे पलियतसि चारि चोरो त्ति सुव्वयं ।
बंधंति भिक्खुयं बाला कसायवयणेहि य ॥१५॥ १८०. तत्थ दंडेण संवीते मुट्ठिणा अदु फलेण वा।
णातीणं सरती बाले इत्थी वा कुद्धगामिणी ॥१६॥ १८१. एते भो कसिणा फासा फरुसा दुरहियासया ।
हत्थी वा सरसंवीता कीवाऽवस गता गिहं ॥१७॥ति बेमि ।
॥तृतीयस्य प्रथमोद्देशकः॥
46
