________________
१०६. जइ वि य कामेहि लाविया, जइ णेज्जाहि ण बंधिरं घरं । जति जीवित णावकंखए, णो लब्धंति ण संठवित्त ॥ १८ ॥
१०७. सेहंति य णं ममाइणो, माय पिया य सुता य भारिया । पासाहि णे पासओ तुमं, लोगं परं पि जहाहि पोस णे ॥ १९ ॥ १०८. अन्ने अन्नेहिं मुच्छिता, मोहं जंति नरा असंवुडा ।
विसमं विसमेहिं गाहिया, ते पावेहिं पुणो पगब्भिता ॥ २० ॥
१०९. तम्हा दवि इक्ख पंडिए, पावाओ विरतेऽभिनिव्वुडे । पणया वीरा महाविहि, सिद्धिपहं णेयाउयं धुवं ॥ २१ ॥
११०. वेतालयमग्गमागओ, मण वयसा काएण संवुडो । चेच्चा वित्तं च णायओ, आरंभं च सुसंवुडे चरेज्जासि ॥ २२ ॥ त्ति बेमि ॥
॥वेतालियस्स पढमो उद्देसओ समत्तो ॥
28
