________________
९७. जइ वि य णिगिणे किसे चरे, जइ वि य भुंजिय मासमंतसो । जे इह मायाइ मिज्जती, आमंता गन्भायऽणंतसो ॥९ ॥
९८. पुरिसोरमं पावकम्मुणा, पलियंतं मणुयाण जीवियं । सन्ना इह काममुच्छिया, मोहं जंति नरा असंवुडा ॥ १० ॥
९९. जययं विहराहि जोगवं, अणुपाणा पंथा दुरुत्तरा । अणुसासणमेव पक्कमे, वीरेहिं सम्मं पवेदियं ॥ ११ ॥
१०० विरया वीरा समुट्ठिया, कोहाकातरियादिपीसणा ।
पाणे ण हति सव्वसो, पावातो विरयाऽभिनिव्वुडा ॥ १२ ॥ १०१. ण वि ता अहमेव लुप्पए, लुप्पंती लोगंसि पाणिणो ।
एवं सहिएऽधिपासते, अणिहे से पुट्ठोऽधियासए ॥ १३ ॥
१०२. धुणिया कुलियं व लेववं, कसए देहमणासणादिहिं । अविहिंसामेव पव्वए, अणुधम्मो मुणिणा पवेदितो ।। १४ । ।
१०३. सउणी जह पंसुगुंडिया, विधुणिय धंसयती सियं रयं । एवं दविओवहाणवं, कम्मं खवति तवस्सि माहणे ॥ १५ ॥ १०४. उट्ठितमणगारमेसणं, समणं ठाणठितं तवस्सिणं ।
डहरा वुड्ढा य पत्थर, अवि सुस्से ण य तं लभे जणा ॥ १६ ॥
१०५. जड़ कालुणियाणि कासिया, जइ रोवंति व पुत्तकारणा । दवियं भिक्खुं समुट्ठितं णो लब्धंति ण संठवित्तए ॥ १७ ॥
26
