________________
६९. अमणुण्णसमुप्पादं दुक्खमेव विजाणिया।
समुप्पादमयाणंता किह नाहिति संवरं ॥१०॥ ७०. सुद्धे अपावए आया इहमेगेसि आहितं ।
पुणो कीडा-पदोसेणं से तत्थ अवरज्झति ॥११॥ ७१. इह संवुडे मुणी जाते पच्छा होति अपावए ।
वियडं व जहा भुज्जो नीरयं सरयं तहा ॥१२॥ ७२. एताणिवीति मेधावि बंभचेरे ण ते वसे ।
पुढो पावाउया सव्वे अक्खायारो सयं सयं ॥१३॥
७३. सते सते उवट्ठाणे सिद्धिमेव ण अन्नहा ।
अहो वि होति वसवत्ती सव्वकामसमप्पिए ॥१४॥
७४. सिद्धा य ते अरोगा य इहमेगेसि आहितं ।
सिद्धिमेव पुराकाउं सासए गढिया णरा ॥१५॥ ७५. असंवुडा अणादीयं भमिहिंति पुणो पुणो।
कप्पकालमुवज्जति ठाणा आसुर-किब्बिसिय ॥१६॥त्ति बेमि।
।। ततिओ उद्देसओ सम्पत्तो ।।
18
