________________
५१६. जे य दाणं पसंसंति, वहमिच्छंति पाणिणं ।
जे य णं पडिसेहंति, वित्तिच्छेयं करेंति ते ॥२०॥
५१७. दुहओ वि ते ण भासंति, अस्थि वा नत्थि वा पुणो ।
आयं रयस्स हेच्चाणं, णिव्वाणं पाउणंति ते ॥२१॥
५१८. णिव्वाणं परमं बुद्धा, णक्खत्ताण व चंदिमा ।
तम्हा सया जते दंते, निव्वाणं संधते मुणी ॥२२॥
वुज्झमाणाण पाणाणं, कच्चंताण सकम्मुणा ।
आघाति साहु तं दीवं, पतिढेसा पवुच्चती ॥२३॥ ५२०. आयगुत्ते सया दंते, छिण्णसोए अणासवे ।
जे धम्मं सुद्धमक्खाति, पडिपुण्णमणेलिसं ॥२४॥ ५२१. तमेव अविजाणंता, अबुद्धा बुद्धमाणिणो ।
बुद्धा मो त्ति य मण्णंता, अंतए ते समाहिए ॥२५॥ ५२२. ते य बीओदगं चेव, तमुद्दिस्सा य जंकडं ।
भोच्चा झाणं झियायंति, अखेतण्णा असमाहिता ॥२६॥
५२३. जहा ढंका य कंका य, कुलला मग्गुका सिही ।
मच्छेसणं झियायंति, झाणं ते कलुसाधमं ॥२७॥ ५२४. एवं तु समणा एगे, मिच्छद्दिट्ठी अणारिया ।
विसएसणं झियायंति, कंका वा कलुसाहमा ॥२८॥
५२५. सुद्धं मग्गं विराहित्ता, एहमेगे उ दुम्मती ।
उम्मग्गगता दुक्खं, घंतमेसंति ते तधा ॥२९॥
134
