________________
नवमं अज्झयणं 'धम्मे'
४३७. कतरे धम्मे अक्खाते माहणेण मतीमता ।
अंजु धम्मं अहातच्चं जिणाणं तं सुणेह मे ॥१॥ ४३८. माहणा खत्तिया वेस्सा, चंडाला अदु बोक्कसा ।
एसिया वेसिया सुद्दा, जे य आरंभणिस्सिता ॥२॥ ४३९. परिग्गहे निविट्ठाणं, वेरं तेसिं पवड्डई ।
आरंभसंभिया कामा, न ते दुक्खविमोयगा ॥३॥
४४०. आघातकिच्चमाधातुं नायओ विसएसिणो।
अन्ने हरंति तं वित्तं, कम्मी कम्मेहिं कच्चति ॥४॥
४४१. माता पिता ण्हुसा भाया, भज्जा पुत्ता य ओरसा ।
णालं ते तव ताणाए, लुप्पंतस्स सकम्मुणा ॥५॥
४४२. एयमटुं सपेहाए, परमट्ठाणुगामियं ।
निम्ममो निरहंकारो, चरे भिक्खू जिणाहितं ॥६॥
४४३. चेच्चा वित्तं च पुत्ते य, णायओ य परिग्गहं ।
चेच्चाण अंतगं सोयं निरवेक्खो परिव्वए ॥७॥ ४४४. पुढवीऽऽऊ अगणि वाऊ तण रुक्ख सबीयगा।
अंडया पोय-जराऊ-रस-संसेय-उब्भिया ॥८॥ ४४५. एतेहिं छहि काएहि, तं विज्जं परिजाणिया।
मणसा कायवक्केणं, णारंभी ण परिग्गही ॥९॥
116
